MediaWikiren euskararako itzulpena
MediaWiki wikiak sortzeko eta mantentzeko sistema bat da. Baina, zer da wiki bat? Wiki bat web-gune sorta bat da. Hemen ikusleeri weba aldatzea uzten zaie. Proiektuaren webgunea (deskargatzeko, gidaliburuak) hau da: http://www.mediawiki.org/
MediaWiki PHP eta MySQL-en oinarrituta sortu da eta, hori dela eta, Interneteko web zerbitzari gehienetan instalatu daiteke. Librea da gainera, eta horrek dohainik erabili daitekeela esan nahi du, eta gainera edozeinek alda dezake kodea askatasun osoz, baita berriz banatzeko ere.
MediaWiki multierabiltzaile eta multihizkuntza sistema da eta horrek sistema berarekin egile ezberdinek egindako hainbat web-gune administratu daitezkeela eta hauek hainbat hizkuntzatan idatzi daitezkeela esan nahi du.
Orain arte, MediaWiki hainbat hizkuntzatara itzulita zegoen, ingelesera, espainierara, frantsesera, alemanera edo italierara adibidez. Orain euskaraz erabil daiteke Alianzok egindako itzulpenari esker.
Nola instalatu MediaWiki-en euskarazko itzulpena?MediaWiki v1.8.2 (azken bertsio egonkorra) beti bezala instalatu ondoren, hizkuntza berri baten sorkuntza prozesua oso erraza da: 1) 'mediawiki-1.8.2' direktoriora joan zaitez 'languages' direktorioa irakurtzeko eta idazteko, alda itzazu bere baimenak '777'-ra (rwx|rwx|rwx) chmod komandoarekin. Zure FTP programarekin 'chmod' komandoa erabili dezakezu.
Hau eginda 'languages' direktorio barruan zar zaitez 2) 'mediawiki-1.8.2/languages' direktorioan fitxategi hau sar zazu eta 'LanguageEu.php' izena emaiozu
Fitxategia direktorio barruan ba zegoela esango dizu, eta zaharra ezabatu gure baduzun galdetuko dizu, baietz erantzun.
Erantzunak
"Orain euskaraz erabil daiteke Alianzok egindako itzulpenari esker." ???
Lehenengo gauza: MediaWiki 1.8.2 ez da azken bertsio egonkorra, 1.9.3 baizik.
Bestalde, goiko iruzkinean aipatu bezala, euskarazko Wikipediako lankideen artean wikiproiektu bat abiatu zen MediaWiki 1.8.2 itzultzeko, eta baita amaitu ere. Horrela jakinarazi nuen Mutilmedia.com-en ere, eta Wikipedia ingelesean azaldutako berrikuntzetan ere horrela ageri da. Ez dakit nondik atera den Alianzok itzuli duela...
Alianzokoek Wikipedian publikoki egin genuen itzulpena hartu eta bere egin dutelakoan nago... en fin! Hamaika ikusteko...
Wikipedia euskaldunean Mediawiki euskaratzeko wikiproiektua abiatu zuten azaroan, baina orri horrek ez du aurrerapenik izan ordudanik.