Iruñerrian irratsaio berri bat euskaraz
Ilunafarra du izena eta ostegunero emango da gaueko bederatziak eta hamarrak bitartean Nafarroako Unibertsitateko Irratian (98.3 FM). Informazioa eta entretenimentua uztartzen ditu eta ikasleek eginikoa da bere osotasunean. Internetez zuzenean entzun daiteke www.unav.es/98.3 atarian (Real Player programarekin) eta Podcast bidez ere gorde daiteke osteguneroko saioa.
Lehenengo ordu erdia betetzen du informazioak. Astean zehar kultur edo gizarte alorrean zeresana eman duen gairen bati buruzko deklarazioren bat jaso eta elkarrizketa bat burutzen da hasteko. Ondoren, Asteko Irrintzian, pare bat minutuko hausnarketa egiten dute gure gizarteko profesional eta erreferente ezagunek. Kontrakarrean atalean, komunikabideek sarri ahazten dituzten gaiak jorratzen dira, elkartasunaren edo garapenaren ingurukoak gehientsuenetan.
Ilunafarreko bigarren zatian The Fermin Connection izeneko irratinobela umoretsua plazaratzen da. Umorearekin jarraituz, bere xelebrekeriak kontatzen dituen pertsonaia berezi batek bisitatzen du irrati estudioa. Saioa amaitzen joateko zuzeneko musika: astero euskal talderen bat hurbiltzen da Nafarroako Unibertsitatera bere kantuak eskaini eta elkarrizketa bat emateko. Bukatzeko, datorren saiora bitartean Iruñerrian egin daitezkeen ekintza kulturalen berri izando du entzuleak.
Ikasleen ekimenez, euskaraz ordubetez.
Erantzunak
Zorion aunitz zeure programa! Iruñerrian bezalako urratsak oso garrantzitsuak dira. Urrats ta urrats aurrean, euskara handitzen da Nafarroan. Gainera, oso interesgarri eta dibertigarria iruditzen zait programa honek.
Zortze on, irrati programarekin.
Agur bero bat Iruñetik.
Mila esker zuen mezuengatik. Gogoz ekin eta jarraitzeko balio digute, benetan.
Gaurko saioan, Patxi Salaberri euskaltzaina eta Nafarroako Unibertsitate Publikoko irakaslea izango dugu elkarrizketan, NUP-an onartu den euskara plan berria hizpide. Asteko Irrintzia berriz, Pello Zabala frantziskotarrak egingo digu.
Bigarren ordu erdian, The Fermin Konexion irratinobelaren bigarren atala entzungai eta Delorean taldea elkarrizketatuko dugu.
Internet bidez, Iruñerritik kanpo, www.unav.es/98.3 atarian izango gaituzue gaueko 9etatik aurrera.
Ikasleen ekimenez beharko du bai, bestela,...
Zorionak!
> Ilunafarra du izena eta ostegunero emango da gaueko bederatziak eta hamarrak bitartean Nafarroako Unibertsitateko Irratian (98.3 FM). Informazioa eta entretenimentua uztartzen ditu eta ikasleek eginikoa da bere osotasunean. Internetez zuzenean entzun daiteke "www.unav.es/98.3":http://www.unav.es/98.3 atarian (Real Player programarekin) eta Podcast bidez ere gorde daiteke osteguneroko saioa.
> Lehenengo ordu erdia betetzen du informazioak. Astean zehar kultur edo gizarte alorrean zeresana eman duen gairen bati buruzko deklarazioren bat jaso eta elkarrizketa bat burutzen da hasteko. Ondoren, Asteko Irrintzian, pare bat minutuko hausnarketa egiten dute gure gizarteko profesional eta erreferente ezagunek. Kontrakarrean atalean, komunikabideek sarri ahazten dituzten gaiak jorratzen dira, elkartasunaren edo garapenaren ingurukoak gehientsuenetan.
>
> Ilunafarreko bigarren zatian *The Fermin Connection* izeneko irratinobela umoretsua plazaratzen da. Umorearekin jarraituz, bere xelebrekeriak kontatzen dituen pertsonaia berezi batek bisitatzen du irrati estudioa. Saioa amaitzen joateko zuzeneko musika: astero euskal talderen bat hurbiltzen da Nafarroako Unibertsitatera bere kantuak eskaini eta elkarrizketa bat emateko. Bukatzeko, datorren saiora bitartean Iruñerrian egin daitezkeen ekintza kulturalen berri izando du entzuleak.
>
> Ikasleen ekimenez, euskaraz ordubetez.