Arrangoiztarra espazioan
Wikipediako euskaldun ospetsuen zerrendan astronauten atala gehitu dute. Datorren udazkenean Leopold Eyharts lapurditarrak Discoveryn abiatuko den ESAko misio batean parte hartuko du, Columbus laborategia muntatzeko. Aurrerago ere MIR estazioan izandakoa da Leopold Eyharts.
Bi europar, Leopold Eyharts eta Hans Schlegel alemana, eta NASAko bost astronauta joango dira udazkenean abiatuko den misio honetan.
TF1en arabera urte asko pasa ondoren, espaziora joango den hamargarren frantzesa omen da Leopold.
Eyharts Biarritz ondoan dagoen Arrangoitze herrian jaioa da eta duela ia 10 urte, MIR estazioan egon zenean lapurdiko Getariako eskolako haurrekin izan zuen hartu emana Internet bidez eta espaziotik bueltan eskolan egon zen bisitan. Pozik Getariako gazteak.
/cache/Udako-Ola-2024_1_small_content.jpeg)
Duela urte batzuk (2000n) Leopold Eihartsi elkarrizketa egin genion Elhuyar Zientzia eta Teknika aldizkarian. Leopold Eihartsi egindako elkarrizketa Zientzia.net-en dago.