EuskalNatura.net sarean

Natura eta zientziak interneten duen presentzia urriari aurre egiteko asmotan sortu zen 2006ko urrian, bertan, ahalik eta informazio gehien batzeko asmoz. Euskal Herriko Unibertsitateko ikasle gazte talde batek sortu, mantendu eta eguneratzen dihardu. Natura eta zientziaren gaineko informazioaz gain, hainbat erreportaje, foroak, argazki galeria, natur ekintzen gaineko agenda eta abar aurki daitezke webgunean.

Apurka-apurka informazioa gehitzen ari dira, egun, informazioz beteriko 200 orrialdetik gora aurki daitezkeelarik. Webgunea hiru atal nagusitan banatzen da informazioari dagokionez. Alde batetik, naturaren gaineko informazioa biltzen duen atala dago. Bertan, Euskal Herriko animalia, landare, onddo eta naturguneen gaineko informazioa biltzen da. Besterik, zientzia atalean, hainbat arlo zientifikotako informazioa aurki daiteke, biologia, geografia, kimika eta ingurugiro zientziak, besteak beste. Gainera, askotariko gaiei buruzko erreportaje edo dossierrak biltzen dituen erreportajeen atala ere aurki egongo da prest, nahiz eta horietako batzuk deskargen atalean eskura daitezkeen arren.