Teknologia albisteak
Kontseiluak aurrerapausoak ikusi ditu aurrekontuetan
Itxaso Ferreras - Kontseilua
2007-01-10 : 11:01
Kontseiluak Euskal Autonomia Erkidegoan onartutako aurrekontuen balorazioa egin du, 'aurrerapausoak' ikusi dituela nabarmenduz. 2006 urtea bukatu baino lehen Kontseiluak euskarak aurrekontuetan aurten behar duen igoera aldarrikatu zuen eta aurtengo EAEko kontuetan igoera lortu izanagatik pozik azaldu da. "Esaten genuen euskararen normalizazioak baliabide handiagoak behar zituela eta aldaketa hauek arrazoia eman digute", adierazi dute Kontseiluko ordezkariek. Halaber, gogorarazi du datozen urteotan hazkundearekin segitu beharko dela.
Bestetik, Kontseiluak egin zuen ekarpenaren aurrean Hizkuntza Politikarako Sailburuordea den Patxi Baztarrikak Kontseiluari 'alderdikeria' leporatuz egindako deklarazioak arbuiatu dituzte, orain bera baita ekarpen horiek beraiek onartu, txalotu eta gustura hartu dituena.
Era berean, Kontseiluak eskerrak eman dizkie bereziki oposiziotik aurrekontu hauen alde aritu diren alderdi abertzaleei. "Badakigu lan handia egin dutela aurrerapauso hau lortzeko", aitortu dute ordezkariek.
Gainera, Kontseiluak berriro eskatu du hain beharrezkoa den 'elkarlana'. "Orain Kontseiluaren poza erabatekoa izateko bakarrik falta da administrazioa eta euskalgintzaren arteko elkarlana gauzatzea, Kontseiluarekin bereziki, hizkuntza-politika eraginkorra izango bada denon ahalegina baita beharrezko".
Bukatzeko, euskararen normalizazioan aurrera egiteko pauso 'ausartak' behar direla azpimarratu dute Kontseilu ordezkariek. "Hizkuntza normalizazioak baliabide ekonomiko egokiak behar baditu ere, hizkuntza-politika ausart eta eraginkorrak ere behar ditu".
Azterketa gaika:
Euskararen aldeko motibazio eta sentsibilizazio kanpaina:
Aurrekontu proposamena 600.000
Kontseiluak eskatutakoa 750.000
Onartutako aurrekontua 800.000
2006-2007 ikasturterako euskaltegi pribatuei dirulaguntzak:
Kontseiluak eskatutakoa + 2.000.000
Onartutako aurrekontua 0
2003/08/06ko Aginduaren arabera maila gainditzen duten euskaltegi pribatuetako ikasleentzako diru laguntzak:
Aurrekontu proposamena 950.000
Kontseiluak eskatutakoa 1.950.000
Onartutako aurrekontua 1.250.000
Euskalgintza: Euskara sustatzeko, garatzeko, normalizazioaren alde eragiteko edota normalizatzeko dirulaguntzak:
Aurrekontu proposamena 1.250.000
Kontseiluak eskatutakoa 3.000.000
Onartutako aurrekontua 1.320.000
Dirulaguntza Euskararen Gizarte Erakundeen Kontseiluari elkartearen lan-programetarako. (Normalizazioaren aldeko eragin lana:
Aurrekontu proposamena 0
Kontseiluak eskatutakoa 180.000
Onartutako aurrekontua 0 , ez da sortu
Diru laguntza Hizkuntz Eskubideen Behatokiari elkartearen lan-programetarako. (Hizkuntza eskubideen aldeko lana:
Aurrekontu proposamena 0
Kontseiluak eskatutakoa 90.000
Onartutako aurrekontua 0 , ez da sortu
Entitate pribatuetan euskara-planak garatzeko dirulaguntzak:
Aurrekontu proposamena 2.420.000
Kontseiluak eskatutakoa 4.920.000
Onartutako aurrekontua 2.720.000
Hedabideak: Euskarazko hedabideak sendotu, garatu edota normalizatzeko dirulaguntzak:
Aurrekontu proposamena 4.750.000
Kontseiluak eskatutakoa 5.750.000
Onartutako aurrekontua 5.000.000
Hedabideak: Euskarazko tokiko telebistak sendotu, garatu edota normalizatzeko dirulaguntzak:
Aurrekontu proposamena 0
Kontseiluak eskatutakoa 2.120.000
Onartutako aurrekontua 0 , ez da sortu
Euskararen sustapena teknologia berrietan:
Aurrekontu proposamena 1.000.000
Kontseiluak eskatutakoa 1.500.000
Onartutako aurrekontua 1.500.000
Informazioaren eta komunikazioaren teknologietan euskara sustatu, garatu edota normalizatzeko diru-laguntzak:
Aurrekontu proposamena 400.000
Kontseiluak eskatutakoa 1.000.000
Onartutako aurrekontua 1.000.000
Osakidetza eta Ertzaintza:
Onartutako aurrekontuak Osakidetza eta Ertzaintza euskalduntzeko beharrezko diren baliabideak inbertitzetik urrun daude. "Urrun gaude oraindik normalizazioak dituen behar errealetik".
Erantzun
Sartu