Teknologia albisteak

Irudietan erantzunak utz daitezke orain Sustatun

Erabiltzailearen aurpegia
Sustatu
2006-11-14 : 07:11

Sustatuko irudietan erantzunak utz daitezke gaurdanik. Egunean argazki edo irudi bat argitaratzeko ohitura dugu aspalditik, eta weblog honetako ohiko makinariatik aparte zebilen atal hori: jendeak karga zitzakeen argazkiak, baina ez zegoen haietan iruzkinik egiteko aukerarik. Estreinatzeko, Zaldi Eroak joan den astean zer pentsatua eman zigun, eta hortxe dugu iruzkin bat uzteko lehen aukera.

Orain, irudietan ere, erantzunak utz daitezke, gainerako artikuluetan bezala. Ez bakarrik gaurtik aurrerakoetan, orain artekoetan ere bai. 624 argazki zeuden gure artxiboan, eta guztietan utz daiteke iruzkina orain.

Atzo kargatu genuen argazkia, e-posta zerbitzuaren bidez ere zabaldu zen... Baina ez zen hori ideia. E-posta bidez harpidetuta zaudetenok ez duzue argazkirik hortik jasoko.

Eta RSS jarioen bidez jarraitzen gaituzuenok ere, aparte izango dituzue bi jarioak, bata ohiko albisteentzat, bestea irudientzat.

Argazkia bidaltzeko, hemendik egin dezakezu baina kontuan izan, mesedez, 250 pixel zabal diren irudiak behar ditugula.

Zuen laguntzarekin, orain arte bezala, lanegun bakoitzean irudi interesgarri bat argitaratzen saiatuko gara.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago