Elurrez lepo Urbiako fonda

Elurrez estalita dago eta ez da erraza zein toki den asmatzea: Gipuzkoako Urbia mendiko fonda da. Irudi ikusgarri hau behin eta berriro errepikatu da urte honetan, izan ere aurtengo neguko bosgarren elurtea dugu hau. Fondako langileak ohituta daude eta ez die elurrak ardura. Urbiara joaten zaretenok fonda zabalik aurkituko duzue. Hotz honekin gainera, bertaratzen direnek ez dute salda beroa faltako.