Denbora eta eguraldia

Udazkenari adio esanez, elizbidetik behera iritsi ginen lehengo egunean Oñatiko Urrexolara, oinaztarren borrokak gogoan, eta han ageri ziren kanpandorreko leihoan eguraldia (haritzak ia biluzik) eta denbora (erlojuaren kontrapisu-harriak zintzilik). Nik ere jasotzen nituen, akolito nintzela, parrokiako erlojuaren harriak, soka luze batetik tiraka gora eta gora, presarik gabe, nanoteknologiaren beharrik gabe.