Teknologia albisteak

Jokin Zaitegi beka, Orhan Pamuk turkiarra euskaratzeko

Erabiltzailearen aurpegia
xme - Elkar/AED
2006-11-13 : 12:11

Urtero bezala, AED elkarteak eta Elkar argitaletxeak, Kutxaren laguntzarekin, Jokin Zaitegi itzulpen saria antolatu dute, Literaturako Nobel saridunaren liburu bat euskaratzeko beka moduan emango dena.

Hain zuzen, Orhan Pamuk idazle turkiarraren "Kar" (Elurra) eleberria da itzuli beharrekoa, eta lehiaketan parte hartu nahi dutenek lehen kapitulua itzuli beharko dute, lagin moduan, eta abenduaren 31 baino lehen bidali Arrasateko AED elkartera.

Turkieratik euskarara zuzenean aritzeko gai den itzultzaile gutxi izango delakoan, frantsesez, ingelesez eta gaztelaniaz ere eskaintzen dugu testu hori, eta itzultzaileei eskatu gutxienez bi hizkuntza erabil ditzatela beren lanerako.

Epaimahaia Luis Berrizbeitiak, Aingeru Epaltzak eta Itziar Otegik osatuko dute, eta irabazleak 9000 euro jasoko ditu eleberri osoa euskaratzeko.

Oinarri zehatzak eta itzuli beharreko lagina helbide honetan topatuko dituzue:

www.elkarlanean.com/jokinzaitegi

Argibide gehiago behar duenak, AED elkartera edo Elkar argitaletxera jo dezake.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago