Inmigrazioari buruzko jardunaldiak Urretxun
Inmigrazioari buruzko 3 ekitaldi antolatuko dira azarorako Urretxun. 60. hamarkadako etorkin uholdea, gaur egun bizi dugun uholdea eta honek eskaintzen dituen erronkak aztertu nahi dira ikuspegi kritiko batetik
1go HITZALDIA:
Azaroak 2, osteguna
Urretxuko Kultur Etxeko areto nagusia.
Arratsaldeko 19:30tan
Hizlaria: Jon Maia (Riomundo eleberriaren egilea)
" Inmigrazioa 60. hamarkadan"
"Bertolt Brechtek esana da: gogoaren kontra, egoerak behartuta, herria, sendia, etxea utzi behar duena ez da inmigrantea, erbesteratua baizik.
Bizitzaren emariak maletaz eta istorioz kargaturiko jende andana darama lurralde ezezagunetara, egunero. Euskal Herrira ere iritsi ziren milaka desterratuz beteriko trenak, Vascongadas esaten zioten herrialde arrotz eta malkartsu honetara.
Euskal herritar askorena ez ezik, euskaldun askorena izan litekeen pasadizoa:
-Zu zara maketoa, ezta?
-Maketoa? Ez jauna, gaizki esan dizute, Sierra naiz, Pedro Sierra."
Hari horri tiraka eraikiko du Jon Maiak, etorkinen seme denak, bere hitzaldia.
2. HITZALDIA:
Azaroak 16, osteguna
Urretxuko Kultur Etxeko areto nagusia.
Arratsaldeko 19:30tan
Hizlariak: Obdulia Lorenzo, migrazioetan aditua (Galiziarra)
Victoria Mendoza, sikologoa (Mexikarra)
"(In)migrazioen erronkak Euskal Herriarentzat"
Hitzaldi honetan espainiar eta frantziar estatuetako inmigrazioaz eta gaur egungo inmigrazio estra komunitarioaz hitz egingo da. Guzti honek ekar ditzakeen erronkei buruz eta gure herriak dituen erronken arabera eman behar duen erantzunari buruz arituko dira.
3. HITZALDIA:
Azaroak 30, osteguna
Urretxuko Kultur Etxeko areto nagusia.
Arratsaldeko 19:30tan
Gidaria: Asier Zaldua (Kazetaria)
Partaideak: Herriko hainbat etorkin
"Etorkinak gurean"
Etorkinak gurean? Bizilagun ezezagun horiek ere izango dute zeresana, ezta?
Esan genezake gure herri hau historikoki jendea jasotzeko arazo handiegirik izan ez duen gizarte batez osatua egon dela. Etorkinak ikustea ez da gauza arraroa gure kaleetan baina ezagutzen al dugu beraien egoera?
Gaur egun datorkigun etorkinen uholde berriaren ordezkaritza bat izango dugu protagonista azken hitzaldi honetan. Hona etortzeko izan dituzten arrazoiak, bizipenak eta gaur egun herria nola ikusten duten kontatuko digute mahai inguru honetan.
Antolatzailea: LEKAIO Kultur Elkartea
Erantzunak
Inmigrazioari buruz antolatutako ekitalditatik lehena izan da gaur arratsaldeko 19:30ean.
50 lagun inguru hurbildu dira Urretxuko kultur etxera eta gaur egun lirikarako garai txarrak bizi ditugun honetan hitzaldi batean jende kopuru hau hurbildu izana pozgarria izan da.
Jon Maiak Riomundo eleberria idazteko zertan oinarritu den azaldu digu. Bere "autobiografia" txiki bat egin digu eta jaio zenetik bertso txapelketako finaleko agurra kantatu bitartean zer bizi izan duen azaldu digu. Jon Maia Urretxun jaio zen eta bertan bizi izan zen 7 urte izan arte. Istorioa gertu-gertu sentitu dugu entzuleok eta bertan egon gara ia 2 orduz adi-adi.
Gaiak eztabaidarako hari luzea eman du eta hemen bizi den egoeraren islada azkar azaleratu da jende askoren partehartzearekin.
Gaiak badu mamia, beraz, jarraipenerako bigarren zita 15 egun barru (toki berean eta ordu berean) izango dugu.
> 50 lagun inguru hurbildu dira Urretxuko kultur etxera eta gaur egun lirikarako garai txarrak bizi ditugun honetan hitzaldi batean jende kopuru hau hurbildu izana pozgarria izan da.
50 lagun.
Gaur egun, inolako teknologia ezaguera partikularrik gabe, posible da hitzaldiak zuzenean ematea sarean, edo bideoan erakustea, editatu ondoren.
Aurrekoan lagun batekin aritu nintzen hizketan horri buruz, eta esaten zidan, hitzaldiak ematen aritzen direnak, igual hortik bizi direla.
Nere galdera da: sarean erakutsita ere, hitzaldiek jende gutxiago erakarriko lukete?
Berdin? Gehiago?
Eskerrik asko jardunaldion berri Sustatun emateagatik. Horren harira,
iradokizun txiki bat: ekitaldiak nola joan diren ere gustatzen zaie
jakitea Sustatuko irakurleei.
Ez bakarrik iragarpenen berri jakitea gure albistegian, baizik eta
ondoren, zer esan den, nor egon den, ze galdera geratu diren airean
eta zein erantzun diren datu jakingarriekin...
Zuenaren kasuan ere, hiru ekitaldi horiek dirudite interesgarriak: gustura irakurriko dugu
ondorengo kronika hemen, zer dioen Maiak, edo zer dioten etorkinek.
Lekaio elkartekook animatzen bazarete, bidali kronika hori ere.
Eskerrik asko aldez aurretik