Teknologia albisteak
2

Konpondu.net, nork bere konponbide proposamena

Erabiltzailearen aurpegia
Sustatu
2006-10-30 : 09:10

Bake edo normalizazio prozesuan herritarren partehartzea bideratzeko, proposamenak iragarri zituen Juan Jose Ibarretxek politika orokorreko eztabaidan Eusko Legebiltzarrean, irailean. Orduan ez zen zehaztasun handirik eman, baina EAEko lehendakariak udalen bidez egingo ote zen iradoki zuen. Orain, ustekabean, webgune bat azaldu da, Konpondu.net eta iritzi bilketa hori Internet bidez egin daitekeela ematen du.

Konpondu.net-ek ez du, oraingoz, iritziak bideratzeko plataforma hori eskaintzen. Lehen puntua, iritzi-bilketa edo eztabaida nola bideratu erabakitzea da. Halaxe dio webguneak:

Gune honek partehartzeko tokia izan nahi du, euskal herritar guztiei irekia, inor baztertu gabe, xumea eta argia. Bakea eta normalizazio politikoa lortzeko, irtenbidea aurkitu beharra dago eta prozesu horretan zuk ere parte hartzea nahi dugu.

Parte hartzeko kanal hauek proposatzen dituzte:

  • Inkesten inprimakiak Interneten.
  • SMS-ak igorri
  • Doako telefonoa
  • Besterik (adierazi egin behar)

Interneteko gunean bertan zer aurkitu behar genukeen ere galdetzen digute. Hauek dira aukerak:

  • Inkesten inprimakiak.
  • Prozesuko une garrantzitsuei buruzko bloga.
  • Wikia gai desberdinetan parte hartuta aurrera egiteko.
  • Bideo mezuak igorri
  • Prozesuarekin zerikusia duten agiriak kontsultatzeko eremua.
  • Informazio aldizkaria (posta elektronikoz igorria).

Gaztelaniaz pentsatutako webgunea

Beste hainbatetan bezala, webgune hau gaztelaniaz pentsatu dutela argi dago. Lehen hitza, Konpondu.net klikatuz gero erdaraz, baita nabigatzailea euskaraz konfiguratuta dugunontzat ere.

Euskarazko sarbidea hemen dago:

Bestalde, webgunearen domeinua ez dago Lehendakaritzaren edo aginte publiko baten izenean: webgunea egin duen enpresa pribatuko (Agoranet) pertsona baten jabetzakoa da.

Erantzunak

Unai
2006-10-30 : 10:52

Aurreko egunean Euskadi Sariei buruzko informazioa bilatzen ari nintzela...



http://www.premioseuskadi.info/

Juanan
2006-10-30 : 23:14

Inkesta berezia proposatzen da konpondu.net-en.


Bigarren galderan, Interneteko gune honek zer atal izatea nahiko zenuke? galdetzen da, baina aukera bakarra hautatu daiteke. Hau da, edo inkesten inprimakiak, edo bloga, edo wikia, edo bideo mezuak, edo agiriak kontsultatzeko eran ipintzea, edo informazio aldizkaria, baina ez atal bat baino gehiago, bakarra aukeratu. Ezin agiriak eta bloga eta wikiak nahi dituzula aukeratu.


Agian ez diote kasorik egingo inkestari, baina atal bakarreko gunearen bila doazela dirudi.


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago