Teknologia albisteak

Euskaldun Berriari Aitortza Altzan

Erabiltzailearen aurpegia
Estibalitz Gastesi - Bizarrain kultur elkartea
2006-11-07 : 09:11

Euskara ikasteko saiakera eta esfortzua egin duten altzatarrei beren ahalegina aitortu nahi die Bizarrain kultur elkarteak. Horretarako, 'Euskaldun Berriari Aitortza Altzan' ekimena antolatu dugu.

Asko dira, hamaika arrazoi direla medio, gure herri honen identitatea osatzen duen hizkuntza berreskuratzen eta, ondoren, normaltzen saiatu direnak, baita askok lortu ere. Ahaleginak askotarikoak izan dira eta sarritan, beti ez esatearren, baldintza ez aldekoenetan. Gauza jakina da euskararen normalizazioak gizarteko estamentu guztien inplikazioa eskatzen duela, bakoitzak bere esku dituen neurri normalizatzaileak hartzearen baitan dagoelako, neurri handi batean, geure hizkuntzaren etorkizuna.

Ekimena ezagutzera emateko egitarau bat apailatu dugu. Horren baitan, Jon Maiaren hitzaldia izan
dugu, berak idatzitako 'Riomundo' liburuari eta bere bizipenei buruz aritzeko. Azaroaren 9an Peio Arnaez antzezleak 'Euskaldun berri, lan berri' bakarrizketa eskainiko digu.

Baina ekimen 'izarra' Anton Mendizabal eskultorearen 'Lau Haizetara' eskulturaren inaugurazioa izango da, azaroaren 11an.
Ongi etorriak izango zarete guztiak!

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago