Teknologia albisteak
1

Ikastolak Buckingham Jauregira saria jasotzera

Erabiltzailearen aurpegia
GIPUZKOAKO IKASTOLEN ELKARTEA - GIPUZKOAKO IKASTOLEN ELKARTEA
2006-10-26 : 09:10

Gipuzkoako Ikastolen Elkartea izan da ESU PRESIDENT'S AWARD 2006 sariko irabazlea. Ingeleseko ikaskuntzarako sortu, garatu eta argitaratu duen CD-ROM bati eman diote; hain zuzen ere, 9-10 urteko umeei zuzendutako "SPACE SEARCH" izeneko CD-ROMari.

"Duke of Edinburg Award" ingelesaren irakaskuntzarako ikasmaterialei ematen zaien saririk garrantzitsuenetako bat da, ospe handiko saria. Britainia Handiko English Speaking Union (ESU) fundazioak emandakoa da, eta horren lehendakaria den Edinburgoko Dukearen eskutik jasoko dugu, Buckingham Jauregian ospatuko den ekitaldi berezian. Liburuei eskainitako sari hau tradizio handikoa da, eta duela 4 urte, Elkarteari egokitu zaio, eta lehenengo aldia da Britainia Handikoa ez den argitaletxe bati ematen diotela. "SPACE SEARCH" ELEANITZ PROIEKTUAN integraturik diseinatu den CD-ROM bat da. CD-ROM interaktibo hau jarduera multzo batek osatzen du, eta horren bidez, besteak beste, gelan elkarrekin landutako hizkuntza gaitasunak eta errepikapena eskatzen duten hainbat hizkuntza eduki sendotzeko aukera eskatintzen du, bereziki, modu eraginkorrean eta jolas giroan. Etxeko lan gisa erabiltzeko ere aproposa delarik.

Erantzunak

Sustatu
2006-10-27 : 12:39

Eskerrik asko sariaren eta bidaiaren berri Sustatun emateagatik, eta zorionak. Horren harira, iradokizun txiki bat: ekitaldiak nola joan diren ere gustatzen zaie jakitea Sustatuko irakurleei.


Ez bakarrik iragarpenen berri jakitea gure albistegian, baizik eta ondoren, zer esan den, nor egon den...


Antolatzaileok animatzen bazarete, bidali kronika hori ere. Interesgarria izango da jauregian nola ibiltzen zareten jakitea.


Eskerrik asko aldez aurretik


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago