Euskal blogarientzako galdetegia, Netlach jardunaldira begira
Netlach jardunaldiei begira, blogarien praktikari buruzko galdetegi bat ikusi dugu zabaltzen sarean, PDF formatuan. Galdetegia eta dei hori euskaraz ere badago, baina Netlach-i buruzko informazioa, gaztelania hutsez. Iaz izandako Netlach 05 ere gaztelania hutsezko ebentoa izan zen, katalanezko ukitu batzuekin.
Jarraian datorrena da jaso dugun testua:
Laburrak eta ptqk_blogzine proiektuetatik, blogging praktikei buruz antolatzen ari garen jardunaldira gonbidatu nahi zaituztegu. Helburuak: elkar ezagutu, elkar aurkitu eta ikertu ea zerbait edo ezer ez konpartitzen dugun.
Nola parte hartu?
1. Galdegaiari erantzun
Eztabaidarako zenbait lerro iradokitzeko asmoz, honako galdera hauek prestatu ditugu. Zuen erantzunak argitaratuko ditugu Laburrak eta Ptqk_blogzine blogen orrietan.
- Bi lerrotan zure bitakora, blog edo... deskribatu.
- Zergatik erabiltzen duzu blog bat? Zer ezberdintasunak daude beste medioekin?
- Zer nolako tresnak erabiltzen dituzu? Zergatik?
- Komunitate baten parte zarelakoan zaude? Bloggerren topaketaren batera joan al zara?
- Uste al duzu blogging delakoak edota erreminta digitalek jabetzeko, deszentralizatzeko, kontrainformazioa gauzatzeko eta ezaguera sortzeko aukera berriak irekitzen dituzten?
- Kopiatzen al duzu? Kopiatzen al dizute? Inporta zaizu? Copyleft ezagutzen al duzu?
- Eta blogen ondoren zer?
Beste galderak ere proposa ditzakezu,
2. Berriz bidal ezazu mail hau zuk gonbidatzen nahi duzun beste bloger bati.
3. Eztabaida Leioako Arte Ederren fakultatean egingo da, azaroaren 15ean, Netlach ekitaldiaren programazioaren barruan. Argibide gehiago helbide hauetan: ptqk (a bildua) freesurf.fr / natxo (a bildua) fundacionrdz.com
Erantzunak
Baikorragoa naiz aurten.
Webguneak bertsio berria dauka, eta euskara ofiziala da.
Never mind the blogs topaketarako egin duten deialdia euskaraz da, eta antolatzaileetako bat Natxo Rodriguez euskalduna da. Irakaslea Arte Ederretako fakultatean, copyleft mugimenduaren aitzindaria Euskal Herrian eta E-tester eta Rdz fundazioko artibista.
Azaroaren 15eko blog bilkura interesgarria iruditu zait. Gogoetarako tartea izango da, eta euskarazko blogosferak bertan agerpena izango duela iruditzen zait.
Aurtengo egitaraua ere, interesgarria begitantzen zait. irratia.com emankizunean elkarrizketa egin beharko diegu, hori ziur. Ea lortzen dugun!
Netlach euskaraz ezer ez egotea hartu nuen tamalez nahiko orokorra den ajearen adibidetzat iaz. Eurek ondo hartu ez eta lepora egin zidaten salto. Ikusiko aurtengo jardunaldietan horren ondorioz euskara-euskaldunak sartu-nartu edo aitzitik eurentzako euskarak duen garrantzi ezaren neurri zintzoa ematen duten.