Literatura Eskola 06/07

Larrabetzun hasi ginen biltzen, hilean behin, larunbat goizez, 30-35 literaturazale. Gaiak aukeratzeko irizpideak denon artean zehaztu genituen, aho batez: Euskal literatura munduan eta mundua euskal literaturan; Aitzol, Orixe, Lizardi, Lauaxeta, Vladimir Maiakovski eta Aime Cesaire, euskarazko literatura aldizkariak, literatura eta kazetaritza, euskal antzerkia, Gabriel Aresti, Silvia Plath, Joseba Sarrionandia, Penando Amezketarra eta Metxa, estatu batuetako literatura beltza, Bernardo Atxaga...
Ikasturtez ikasturte aurrekoetan ikasitakoa osatzen ahalegintzen gara. Baina ez dira gaiak osatu gura ditugun bakarrak, ikuspegiak ere osatu gura ditugu eta orain arte Larrabetzu bilgune izan duen Eskolak Hernanin, Oreretan, Gasteizen, Iruñean, Azpeitian, Senperen, Lazkaon eta Larrabetzun zabalduko ateak. Honenbestez, Literatura Eskola 06/07 antolatuko dute:

Larrabetzu: bihotz bakartien kluba
Hernani: Natza elkartea
Orereta: Mikelazulo elkartea
Gasteiz: UEUko literatura saila
Iruñea: Euskaldunon Biltokia
Azpeitia: Uztarria euskara elkarrtea
Senpere: Hatsa elkartea
Lazkao: Goierriko kastak

Euskal Herrian literaturarekiko zaletasuna kutsarazten ahalegintzen garen batzuk bildu gara, batzuk, gu.

06/07 ikasturtea
Eskolak hilean behin izango dira, urritik ekainera, larunbat goizetan, 10:00etatik 14:00etara. Eskoletan parte hartzeko aukera bat baino gehiago egongo da: Urte osorako izena emanda zein norberari interesatzen zaizkion eskoletara joanda. Hori bai, azkena aukeratzen duenari gutxienez astebete lehenago jakinarazteko eskatuko diogu.

· Izena ematea

arrekikili@gmail.com helbidera idatzi eta jakinarazi: Deiturak eta harremanetarako telefono zenbakia.

Ikasturte osorako

Epea: urriak 20
Matrikula: 10 €

Eskola jakin baterako

Epea: Eskola eguna baino astebete lehenago
Matrikula: 10€

· Literatura Eskolaren bloga

www.larrabetzu.org/literatura blogean Literatura Eskola 06/07ri buruzko berri guztiak jasoko ditugu. Bertan egongo dira eskola egunak, gaien inguruko informazioa eta irakurgaiak, eskoletan gertatzen denaren kronikak, hizlariei buruzko xehetasunak eta orohar Eskolarekin zerikusia duen guztia, edo ia.