Teknologia albisteak

Euskarazko dokumentu bila Google Code Search-ekin

Luistxo Fernandez - CodeSyntax

2006-10-18 : 11:10

Googleko laborategietako beste bat: Google Kode bilaketa. Kode informatikoan bilatzen du, sarean eskuragai dagoen hainbat software proiektu eta abarretan. Euskarazko terminoak sartuta ere, aurkitzen dira gauzak. Esate baterako, Mila esker bilatzen badugu.

Gainera, kodea izanik bilaketaren materiala, badu honek berezitasun bat: ez ditu bakarrik termino osoak aurkitzen, baita parteak ere. Honek euskararen deklinabidearen kontua gainditzen laguntzen du, eta Zaharr bezalako gauza bat bilatuta, hainbat aldaera deklinatu aurkitzen ahal ditugu. Adibidez:

Txikikeria dirudi, baina Google-ren bilaketa orokorrean ezin lematizatzeak edo amaiera anitzeko terminoak ezin bilatu izateak baditu ondorioak: Zaharrak bilatuta emaitza batzuk, zaharrei bilatuta beste batzuk, eta zaharr bilatuta, kaka zaharra, ez dago modurik amaiera guztiak aldi berean aurkitzeko, ezta asterisko edo izarñoarekin ere: zaharr*.