Ba ote dator David Hasselhoff?
Baywatch eta Knight Rider telesaio epikoen protagonista, David Hasselhoff, etortzekoa da gaur Donostiako zinemaldira, antolakuntzaren arabera. Hori da hori, glamour sobredosia. Baina etorriko ote da azkenean? AEBetako albistegietan notizia da Hasselhoff-ek poliziari deitu ziola atzo bere alabaren ustezko suizidio saiakera bategatik.
Gero, ukatu egin dute hori, katuak arramaska egin ziola alabari omen da bertsio zuzena. Daviden emazte ohiak hori dio, behintzat. Suizidio deiarena senarraren asmakizuna izan zela...
Nolanahi ere, alaba ospitalean eta honen harira emazte ohiarekin eskandalua duela, Donostiara egin begarreko bisitak zalantzazkoa dirudi.
Hementxe lotura duzue Google News zerbitzura, non une honetan albiste mordo batean ageri den Hasselhoff, Donostia inon ere ez.
Erantzunak
Eta erakutsiko ote digu Hasselhof jaunak nola egin bere bideoklip arraskastatsu horietako bat? Honakoa bezala esan nahi dut...
Nik behintzat galdetuko nioke...
Eta Donostian dagoela baliatuz, ba...
Berriako kronika honen arabera, zera esan zuen atzo Hasselhoff-ek, 15 minutuko agerraldi batean:
- Hasselhoff, Adam Sandler eta Kate Beckinsale aktoreek galdera gutxiri erantzun zieten taxuz; algara zen nagusi. Halakoa da Hollywood! Zer egingo diogu bada?
- Baywatch, sorosleen telesaioa, aipatu ziotenean: Nire emazteak galdetzen zidan ea gizonezkoei zergatik ez nien ahoz ahokoa egiten!
- Knight Rider, auto adimentsuaren telesaioa aipatu ziotenean, ahoa hurbildu erlojura eta esan zuen: Hola, Kit
Adierazpen serioetarako eta arduratzen dioten medioetarako (show-business-aren alorraz tratatzen dutenak), Hasselhoffek bozeramaile bat (Judy Katz) erabiltzen du, eta haren bitartez gezurtatu du orain alabaren suizidio saioarena. Glamour, glamour.
Atzo egon nintzen Anoetako Belodromoan, David Hasselhof eta beste aktoreek aurkezten zuten filmearen estreinaldian. nik ez dakit ezer ere bere alabaren suizidio saiakerari buruz, baina zera aipa dezaket, Davidek kriston atxurrarekin etorri zala belodromora; denbora guztian barrezka, geldi egon ezinik eta tontakeriak esaten denbora guztian. ondokoari esan nion, "ez dakit berez estatubatuarrak halakoak diren, showman-ak, ala tipo hau poteoarekin pasa ote den..."
Atzo gauean ailegatu omen zen .
Argazki hau Maria Cristina hotelaren aurrean ateratakoa dirudi.