Literatur Emailuak, blog formatuan RSS jarioekin
Literatur Emailuak, Susari lotutako Armiarma webgunearen buletin literarioa, blog eran berrantolatu dute. Diseinu berria ere bai, Wordpress-en oinarritua, RSS jarioekin, jakina. Erantzunik gabeko bloga dela dirudi, hala ere.
Blogean bertan argitaratutako ohar batean azaltzen dute Armiarmakoek: "Orain arte bezala, literaturaren inguruko albiste, argitalpenen berri, efemerideen gaineko lotura eta literatur ekimen ezberdinen agenda osatuko dugu. Blogean gainera, Susa-literatura.com eta Armiarma.com guneetako informazio gehiago (Kritiken hemeroteka, nazioarteko efemerideak ) izango ditugu eskura."
Orain arteko asteroko emailu bidalketa guztiak hemen dituzte.
RSS jarioei dagokionez, ez bakarrik emailu guztienak, atalka ere harpidetzea baduzu.
Orriaren azpialdean irakur daiteke: "wordpress bidez weberatua."
Ulertu daiteke honen esanahia, baina norbaitek esango al dit zein den "weberatu" aditza?