Tawantinsuyu espedizioko webgune berezia
ARGIAk aukera eskainirik hogei egun pasa dituzte Amets Arzallusek eta Txomin Txuekak Bolivian, Tawantinsuyu espedizioan. Bertan gertatzen ari diren aldaketa politiko eta sozial sakonak euren begiz ikusi eta euren belarriz entzutera joan ziren, gero Euskal Herrian zabaltzeko asmoarekin.
Hainbat astetan zehar, Sareko ARGIAko www.argia.com/bolivia kanalean bideoerreportajeak, argazki galeria eta bidaia egunerokoa izango dira ikusgai. Informatiboki kanal osatua egitea izan da helburua, bideo lanketarekin jauzi kualitatiboa emateaz gain.
Gregorio Iriarte eta Manuel Egiguren misiolariei egindako "elkarrizketarekin:"http://www.argia.com/bolivia/bideoak.php ekin zaio bide berri honi eta datozen egunotan elkarrizketa eta bideoerreportaje gehiago izango dira sarean: Evo Morales presidenteari egindakoa, Felipe Quispe gerrilla buruarena, gasaren gerraren ingurukoa... Modu honetan, ARGIA astekariak Boliviari loturik argitaratuko dituen elkarrizketa, erreportaje eta artikuluak elementu multimediekin osatu dira.
Erantzun
Sartu