Euskal Herria 2.0 mintegia Artelekun
Datorren irailaren 21ean eta 28an -biak ostegunez- Euskal Herria 2.0 jardunaldiak burutuko ditugu Donostiako Artelekun. Lokalizazioa eta Internazionalizazioa jorratuko ditugu, Euskal Herriak Interneten dituen erronkei buruz mintzatu eta proiektu berriei aukera emateko.
Internet da bizi dugu garaiaren adierazpena. Sarea, komunikazioa, interakzioa, ezagupena eta informazioa. Ekonomia berria, jakintzaren sozializazioa . kontzeptu berri asko. Etengabe aldatzen ari diren egoerak eta dinamika berriak. Anabasa dirudien ondo eraikitako errealitate berria.
Eta Interneten ere aldaketak daude, aldaketak datoz, aldatzen ari da. Eta gu; erabiltzaileok, sortzaileok, berarekin batera. Internet berri batezagutzen ari gara, web 2.0 kontzeptuaren baitan. Eta partehartzea, kolaborazioa, jarrera berriak ari dira nagusitzen. Negozioetan bezala, informazioan ere. Blogak, wikiak, software soziala, guzti hori ez zaigu arrotza, eta gu ere ur hoietan barneratzen ari gara. Euskal Herriak; herri bezala, nazio txiki eta ukatua den honek, hizkuntz eta kultur komunitate gisa ere, erronka berriak ditu aurrean dugun mundu berri honetan. Eta erronka hoiek hizpide hartu eta horren gainean eztabaidatu gura dugu Euskal Herria 2.0 izeneko mintegian.
http://euskalherria.bipuntuzero.org jardunaldietarako eratu dugun bloga.
Hitzaldi eta mahainguru interesgarriak. Gaian sakontzeko aukera. Euskal Herrian, Interneten esparruan mugitzen den jende esanguratsua gonbidatu dugu.
Parte hartzea zabalik dago, gonbidatuta zaude zu ere.
Erantzunak
Biltzarraren bultzatzaileetako batek, Nazio Garapenerako Biltzarrak, agiri bat zabaldu du jardunaldi hauen zioa azaltzen. Jarraian doa testua.
Bete betean sartuta gaude XXI. mendean, informazio jendarte, internet
eta komunikazio
teknologia berrien aroan alegia. Bizi dugun errealitatea etengabe ari
da garatzen aipatu
teknologien eskutik (internet bera ere berritze fase orokor batean
dago web 2.0
kontzeptuaren oinarrian), eta ondorioz gure herriari, Euskal Herriari,
erronka berriak
agertzen zaizkio.
Kultur mailan askotan gertatu zaio gure herriari kultura sortu, garatu
eta hedatu ahal
izateko tresna berriak agertu direnean horiek bere esku ez izatea,
hala nola kultura
idatziaren zabalkuntza, eskolaren unibertsalizazioa, komunikabideen
hedakuntza... eta
ondorioz kulturaren garapenerako aukerak maiz mehatxu bihurtu
zaizkio. Internetekin eta
teknologia berrien eskutik datozen berrikuntza guztiekin ere berdina
gertatzen ahal
zaio, lehenbailehen eztabaida honi heltzen ez badiogu behintzat.
Euskal Herriak beharrezko duen Esparru Komunikatibo Nazionalaren
hausnarketan ere
etengabe aipatzen den elementua da teknologia berriena, bere aukera
eta mehatxu
guztiekin, eta Euskal Herriaren existentzia bermatu beharra behin eta
berriz aipatu ohi
den kontua da.
Euskal Herriak nazio bezala etorkizuna izango badu, biziraungo badu
eta garatuko bada
nazioarteko errekonozimendua behar du. Esparru eta maila guztietan.
Eta Interneten
baitan estatuak errekonozitu daitezke edo ez. Nortasun kultural eta
linguistiko
nazionala duen herria errekonozitu daiteke edo ez. Eta horren
ondorioak handiak eta
garrantzitsuak izan daitezke. Esan gabe doa errekonozimendu hori
lortzeko lana gogotik
egin behar dela, hots, errekonozimendu hori irabazi egin behar dugu.
Euskal Herriak beraz aipatu esparru ezberdinetan erronka berriak ditu
aurrez aurre.
Erronka horiek hizpide hartu eta horren gainean eztabaidatu nahi dugu
Euskal Herria 2.0
jardunaldietan. Lokalizazio eta globalizazio estrategiez arituko gara
nagusiki.
Lokalizazio estrategiei dagokionez nazioartean sortzen dena nola geure
egiten dugun
izango dugu mintzagai: programa eta gune ezberdinen euskalduntzearen
beharra, software
librearen garrantzia nazio eraikuntzan eta abar luze bat.
Globalizazio estrategiei dagokionez internet eta teknologia berrien
munduan euskaldun
eta euskal herritar gisa nola agertu aztertuko dugu, gure herriko eta
nazioarteko
esperientzietan oinarrituz erronka ezberdinak mahai gaineratuko
ditugularik, hala nola,
.eus Euskal Herriko dominio propioa interneten (Catalunyan .cat
dominioaren inguruan
izaniko esperientziaren testigantza zuzena jasoko dugularik), web 2.0...
Hortaz, iritsi da garaia naziogintzan lanean gabiltzan eragile eta
pertsonen artean
internetek eta teknologia berrien munduak gure herriari aurkezten
dizkioten erronken
inguruan aurreneko aldiz hausnartzen hasteko. Horretarako parada
egongo da irailaren 21
eta 28an arratsaldeko bostetatik aurrera Artelekun (Donostia)
antolatu ditugun
jardunaldietan. Zabaltzen dizugun deialdiak duen garrantziaz jabetu
eta jardunaldietan
ikusiko garelakoan agurtzen gara.
/cache/Udako-Ola-2024_1_small_content.jpeg)
Oso interesgarri ematen du: bai gaiari begiratuta, bai bertan sortu daitezkeen eztabaida & giroa! Animo antolatzaileei eta blogari eta komunikazale guztiok, animatu parte hartzen!!