Erabiltzaile gehienok gero eta pantaila handiagoekin nabigatzen dugu
Orain gutxira arte, Internet erabiltzaile gehienon pantailaren bereizmena 800x600 hazbetekoa zen. Azkenaldian izugarri ugaritu dira pantaila eta bereizmen handiagoak. Sustatuzaleon artean, 1024x768 bereizmena da nagusi, tarte handiarekin gainera. Horrek eragin zuzena izango du webgune berrien diseinuan.
Denbora tarte luze batez, Internet erabiltzaile gehienon pantailaren bereizmen edo erresoluzioa 800x600-ekoa izan da. Pantaila gehienak 14-15 hazbetekoak ziren, eta bereizmena, neurri horren araberakoa.
Azkenaldi honetan, baina, gero eta ugariagoak dira pantaila handiagoak eta bereizmen hobeak. Informatika dendetan edo merkatal zentru handietan begiratzea besterik ez dago. Etxean, lanean, liburutegietan... gero eta arruntagoak dira 17 edo 19 hazbeteko pantailak, eta ondorioz, bereizmen handiagoak.
Sustatuzaleon artean
Sustatu irakurtzen duzuenon artean hauxe da azken hilabeteko bisiten laburpena, zuen pantailaren bereizmena kontuan hartuta:
1024x768: %53.92
800x600: %24.70
1280x1024: %11.26
1280x800: %3.58
1152x864: %2.39
1440x900: %0.87
1680x1050: %0.79
1280x960: %0.55
1600x1200: %0.37
Hau da, lau erabiltzailetik batek dauka, gutxi gorabehera, 800x600eko bereizmena. Erdiak 1024x768koa. Eta beste laurdenak hori baino handiagoa.
Estatistika hori aldatu egiten da webgunearen arabera. Neurri batean, zenbat eta webgune "teknologikoagoa" izan, bisitariak ere halaxe izaten dira, eta ordenagailua ere hobea. Hala ere, inguruko beste hainbat webguneren estatistikak kontsultatuta, aldea ez da handia. Euskal internauten %60-70 inguruk, 1024x768 edo bereizmen handiagoa erabiliz nabigatzen du.
Ehuneko hori, gutxi gorabehera, antzekoa da Europa eta Ameriketako erabiltzaileen artean. Hemen beste adibide bat
Eragin zuzena webguneen diseinuan
Erabiltzaileen pantailek izan duten aldaketa horrek eragin zuzena izango du datozen hilabeteetan webguneen diseinuan. Izan ere, orain arte, 800x600 bereizmen hori hartzen zen oinarritzat webgune baten zabalera zehazteko orduan; halaxe daude webgune gehienak. Baina erabiltzaileen artean izan den aldaketa ikusita, webgune garatzaile eta diseinatzaileak hasi dira dagoeneko gai horri jira-bueltaka, eta 1024x768 bereizmenaren alde egiten.
Oraindik ere badira zenbait zalantza, baina aldaketa egun batetik bestera gertatuko da. Ziurrenik, urtebete barru, ez da eztabaida eta zalantzarik izango. Aldaketari esker, orrialde bakoitzean informazio gehiago eta argiago erakutsi ahal izango dute diseinatzaileek.
Hedabide handiak hasi dira, dagoeneko, aldaketa egiten. Lehenengoetarikoa CNN izan da (eta oraingoz sarrera-orria bakarrik), baina ez da azkena izango.
Erantzunak
Kontuan hartu behar da, baita ere, gero eta ugariagoak direla sarean nabigatzeko gaitasuna daukaten mota guztietako gailu txikiagoak (PDAk, telefonoak). Beraz, uste dut pantaila tamaina txikiek indar gehiago hartuko dutela etorkizunean, eta honek agian webgune beraren bi bertsio egitera bultzatuko duela: pantaila handietarakoa eta txikietarakoa.
Ni ere nola nago erostekotan monitore berria kin bere pantailla berria atentionez irakurri dut hau artikulua (zehazki ez dakit nola deitzen da: artikulu, post edo beste forma bat; izen propriorik balego nahi nuke jakin eta eskertu).
Orai arteko nire pantailleak dauka 15" (hatz edo hatzbete, inch) eta pantailla hobea nahi izanik' dut ideita erosteko 19" hatzetakoa, esan nahi bait dut pantailla handiagoa.
Noiz irakurri dut hau artikulua (edo delakoa) aurkitu naiz kin konzeptu berri bat: bereizmena. Eta hori egiten zait total opako aldetik terminoa edo hitza eta baita aldetik zein izan ahal da konzeptua, zeina bait da importanteena, konzeptua, kommunikatzea ideia batt. Eskerrak ezen artikuluan noiz aipatzen da bereizmena bigarren aldiz kin link bat esaten da bereizmen edo erresoluzioa. Zeozertarako eta zeozer gatik ipini du (edo dute) hori edo erresoluzioa, zergatik ote da? Gero, ostera, artikulu guziaren zehar soil irabiltzen du (edo dute) hori berizmen opakoa: hitz eta konzeptu opakoa.
Nola nik ez daukat argi konzeptua hon resotulione hitza (hobeki esan, konzeptua) konsultatu dut eta hara zer dakarren:
resolution
the power of a computer screen, printer, etc. to give a clear image, depending on the size of the dots that make up the image
Holako terminologia -eta ondorioz konzeptualizatione- opakoarekin nora eroan nahi gaituzte? Informatikan, nola beste edozetan baina oraino esaten nuke argiago' behar dugu klaritate konzeptuala eta ere lexikala atxekirik terminologia internationala: resolutione edo akaso -zergatik ez?- resoluzio.
Mesedez ez olgetan ibili -kin bereizmen edo erresoluzio, eta enparauak- euskararekin eta kin euskaldunak.
/cache/Udako-Ola-2024_1_small_content.jpeg)
Webgunearen gaiaren araberakoa izango da diseinua, eta webgune horrek daukan helburua erabiltzaile guztiengana iristea bada inor kanpoan utzi gabe ,800x600eko erresoluzioa erabiltzen jarraituko du, erresoluzio horren erabiltzaileak dauden bitartean. Aukeran nahiago tamaina zehatzik ez duten webguneak, horietan ez dago mugarik nahi duzun erresoluzioa erabil dezakezu, eta normalean webgunea ongi ikusten jarraituko da.
Bestalde CNNrena baino hobeak ikusi ditut, non CNNren erresoluzio beran diseinatua egon harren, script bidez tamaina txikiagokoentzat ere balio duen.