Hau da hau destropela!
Nork korrituko du Tourra? Goardia Zibilaren dokumentuek hainbat txirrindulari izen-deiturekin izendatzen omen dituzte, Fuentes doktorearen odol eta dopin eskandalua. 58 omen, diote hedabide gehienek. Prentsan aurkitu dugu zerrenda pare bat, eta han ageri direnak 56 direla esaten zaigun arren, kontatu ditugu, eta 38 dira zerrendakoak. Euskal Herrikoak, bost dira horien artean.
Espainiako bi egunkariren edizio digitaletan aurkitu dugu txirrindulari zerrenda konpleto samarra: El Mundo-n eta La Razon-en
Biek diote 50 izenetik gora daude inplikatuta... Beraz, edo ez dakite kontatzen, edo zerrenda ez da benetakoa edo osoa. Bi egunkariek zerrenda bera dute, eta 38 izen ageri dira han, batzuk dagoeneko aktibo ez diren txirrindularienak.
Euskal Herrikoak bost dira, izen horien artean:
- David Etxebarria
- Unai Osa
- Joseba Beloki
- David Latasa
- Igor Gonzalez de Galdeano
Lehen hiruak Astana taldekoak (lehen Liberty). Latasa Comunitate Valencianakoa da, eta Igor Gonzalez de Galdeano ez da txirrindulari profesionala gaur egunean, baina Euskaltel-Euskadi taldeko kirol zuzendaria da.
Zer gertatuko da? zaila da jakitea. Zerrendan Tourreko bi faborito nagusiak daude, Ivan Basso eta Jan Ullrich. Astana taldea osorik kanporatuko dutela ere esaten da. Tropela.net gunean ditugun porrekin ere zaila da asmatzea... Parte-hartzaileen zerrenda definitiborik jakingo ote dute garaiz Tropelakoek, gune horretako erabiltzaileek gure taldetxoak osa ditzagun?
Erantzunak
sumario hori publikoa al da ? inon ikusi al daiteke ? ala filtrazioz filtrazio gabiltza ?
izen propioak aipatzerako orduan kontuz ibili behar da, epaiketa paraleloak saihesteko. errugabetasun printzipioa, faborez !
egunotan Osa anaien larruan egoteak ez du erraza izan behar. inondik ere.
baina Eufemianoren hozkailuko odol poltsena, nik uste, irudi gogorra izan dela oso.
Diario Vascok 58 aipatzen ditu, baina bere zerrenda 35 lagunekoa da. El Mundo eta La Razon-enean ez dauden izenak daude hor, adibidez Aitor Osa eta Unai Etxebarria.
L Equipe ari da informatzen hau ez doa, bestea ez doa... Ez Basso, ez Ullrich ez dira irteeran izango bihar. Ezta zerrenda hauetan agertzen diren gainerakoak, ematen duenez. Izen-zerrendari dagokionez, El Mundo eta La Razon-ena kopiatu dute kirol egunkari honetakoek.
/cache/Udako-Ola-2024_1_small_content.jpeg)
Tropela.net-eko txirrindulari zerrenda eguneratuta izaten saiatzen ari gara. Ez dago erraza. Oraingoz, Ullrich eta Sevilla dira etxera bidali dituztenak. Gogoratu, Tourrak ezin dituela kanporatu, txirrindulariaren taldeak edota UCIk soilik bidali ditzaketela etxera.
Noizko erakutsiko digute zerrenda osoa? Ez al zeuden 55-58 txirrindulari?
Ez dakigu zer gertatuko den Tourrarekin...
Tropela.net-en sarrerako berrian egiten diogu jarraipena berriari. Hor aurkituko duzue informazio gehiago.
Eskerrik asko Tropela.net aipatzeagatik.