Martin Berasategi, 'Urrezko Antxoa 2006'

Donostiako sukaldariak Ondarroako itsasontzi batean jasoko du saria, itsasoan. Urtero antxoa edo Ondarroako herria goraipatzen duen pertsonai bati ematen zaio sari hau. Ekitaldia Antxoa Egunaren atarikoa izaten da; eta aurten Ondarroako jai gastronomiko hau ekainaren 3an ospatuko da, nahiz eta kanpaina honetan oso antxoa gutxi harrapatu den, orain arte behintzat.

Egitarauaren barruan, ekitaldi hauek azpimarratu beharra dago:

• V. Euskal Herriko Antxoa Pintxo lehiaketa (maiatzak 30)
• Ekainaren 3an, Antxoa Eguna:
  • Goizez: antxoa xerrak eta txakoli dastaketa; Ondarroako antxoa eta Idiazabalgo gaztaren arteko ezkontza; Ondarroako Arrañe saria Orkatz Beitia atletari.
  • Arratsaldez: antxoa pintxoak zazpi eratara eginak eta sagardo dastaketa.
  • Gauez: Reggae gaua, doan, Arrigorri hondartzan, 22:00etan: Lee Scratch Perry (Jamaika), Ska Cubano (Jamaika, Kuba eta Ingalaterra) eta The Starlites (Errioxatik).