Administrazioaren bikaintasuna, euskara eta blogak
Pasa den ostegun eta ostiralean Herri Administrazioetan Kudeaketako Bikaintasunari buruzko I. Kongresua ospatu zen, Bilboko Euskalduna Jauregian. Euskararen aldetik, bikaintasun gutxi erakuts daitekeela dio han parte zuenetako batek, Iñaki Ortizek, Tiraka blogean.
Horrez gain, eAdmin blog interesgarrian beste bi kronika utzi ditu Iñaki Ortizek jardunaldi hauen inguruan.
Biltzarrean parte hartu zuen beste batek, VISESA sozietate publikoko zuzendari Pablo Aretxabalak, bloga ireki du halaber eta han ere komentatu du jardunaldi hauena.
Erantzunak
> Gauza bat da administrazioak euskarari zer tratu ematen dion (edo ez dion ematen).
Beste bat da administrazioaren (administrazioen) utzikeria salatzea.
Eta beste bat da, salaketa egiten duenak gaztelaniaz idaztea eta hitz egitea ere baduela. Eta Iñaki Ortiz, administrazioan eta zuzen-zuzen euskalgintzari lotutako atal baten jardun ez arren, euskaraz lan egiten duenetakoa da (oso-oso gutxik bezala); areago, gure administrazio erdaldunean euskararen erabilera praktikan bultzatzen ahalegintzen denetakoa da, ekarpen zehatzak eta landuak eginez.
Ni neu gusturago nengoke bere blog-a ere euskaraz osatuko balu, baina...
Edonola ere, administrazioetan Ortiz asko balego, administrazio euskaldunaz hitz egiten ariko ginateke orain.
Osasuna
Bai, lotsagarri izan zen euskararen tratamendua kongresuan.
Ni ere han egon nintzen eta barruko amorrua zertxobait arintzeko, pilo bat eskertu nuen Iñakiren komentario/aldarrikapen. Gero bere ponentzia erderaz hutsean egon zen, baina bere komentarioa behintzat lore txiki bat basamortuaren erdian topatzea bezala izan zen.
Ez du ez hanka, ez buru. Herri administrazioari buruzko kongresu batean ia ia katalana (ponente asko hangoak baitziren) gehiago entzun zen euskara baino. Tristea oso tristea.
Jabier Santamaria
Udal langile bat
Bai noski...
Tiraka blogean ohar txiki bat jardunaldi hauetan euskarari eman zaion tratamenduari buruz, eta hurrengo klikean, pertsona beraren eskutik, jardunaldien laburpen ikaragarri ona... gaztelaniaz.
Nola zen hura...? Zozoak beleari ipurbeltz?
Asier.