Teknologia albisteak

Mah Jongg motako euskarazko lehenengo jokoa

Rakel Lopez - Elhuyar Fundazioa

2006-05-24 : 10:05

Elhuyar Fundazioak Jongg motako joko bat prestatu du, Letrak jokagai izenekoa. Euskaraz egiten den Mah Jongg motako lehenengo jokoa da. Jokalariak pantailan agertzen diren fitxa guztiak kendu beharko ditu, batzuetan irudi-bikoteak eginez eta beste batzuetan hitzak osatuz.

Letrak jokagai izena du Elhuyar Fundazioak Gipuzkoako Foru Aldundiko Kultura Sailaren laguntzari esker ekoitzi berri duen jokoak. Mah Jongg motako jokoa da, eta adin guztietako jendearentzat balio du. Hiru joko ditu, eta, hiruretan, helburua da pantailan agertzen diren fitxak kentzea: bi joko irudi-bikoteak egitekoak dira eta hirugarrena hitzak osatzekoa. Sortzen diren hitzak ondo dauden edo ez jakiteko, Elhuyarren hiztegiaz baliatzen da aplikazio hau.

Era honetako jokoak oso ezagunak dira mundu osoan, eta, harrera ona dutenez, bertsio ugari daude, oso ludikoak baitira. Elhuyar Fundazioak euskaraz egin duen mota honetako lehenengo jokoa da hau. Zailtasun-maila desberdinak ditu, eta jokalariak aukeratzen du zer mailatan nahi duen jolastu. Lortzen den puntuazioa ordenagailuan gorde daiteke, eta joko bakoitzean lortutako 10 puntuazio onenak ere bai.

Erantzunak

inaxio

2006-05-25 : 22:06

> Elhuyar Fundazioak Jongg motako joko bat prestatu du, Letrak jokagai izenekoa. Euskaraz egiten den Mah Jongg motako lehenengo jokoa da.

>

Poztekoa da Elhuyarrek joko berri bat prestatu izana, baina kasu honetan ez da euskaraz egiten den MahJongg motako lehena.

Badago aspalditik hizkuntza asko eta tartean euskara (tartean titulu batzuk ingeleses agertzen badira ere) erabiltzeko aukera ematen duen beste bat, eta oso ona dena. Ikusi hemen: http://www.kyodai.com/