Zentral nuklear abandonatuak, eta Bergeneko fiordoa
Asteburuan irudi berrikuntza handia izan da Google Maps-en, detaile handia hainbat tokitara zabaldu da, Euskal Herriko bazterrotara ere bai. Adibidez, Txernobilen edo Lemoizen, zentral nuklear batzuk aipatzearren... Baina irudi berrikuntza harrigarrienetako bat etortzeko dago oraindik: Bergen hiriarena, Norvegian. Ez bereziki Bergen Gesaltza baino ederragoa delako (agian bai, gustuak gustu), baizik eta irudi horiek hiriko agintariek Googleri doan emango dizkiotelako baizik.
Googlek satelite bidezko irudiak zerbitzen ditu, baina eskualde batzuetan, detaile handiena ez da satelitezkoa, hegazkinetik atetarako ortofotografia baizik. Asteburu honetan, irudi berrikuntza handia gertatu da eta, ondorioz, Googleren irudietan oinarritutako zerbitzu batzuek ere erakusten dituzte detaile berriak. Euskal Herrian Tagzaniak bai, baina ez oraindik Bilbao.bi-k, azken hau ez baita oraindik APIaren 2. bertsiora egokitu. Ikus konparatzeko Sopelako hondartza batean eta bestean.
Euskal Herrian, erresoluzio berria duten eskualdeen artean hauek aurkitu ditugu guk:
- Gasteiz eta Arabako Lautadako eta ekialdeko hainbat eremu, adibidez Gesaltza
- Zuberoako zati bat (Altzürükü, Garindaine, ...)
- Uribe Kosta Bizkaian (Gorliz, Sopela, Lemoizko zentral nuklearra izan behar zuena...)
- Lapurdi hegoaldea, eta Nafarroako inguruak (Xareta, Senpereko aintzira , Urdazubi...)
- Bortziriak eta Nafarroako iparraldeko beste inguru batzuk (Igantzi , Goizueta , ... )
- Lizarrerria eta Iguzkitza Nafarroako hego-ekialdean (Lizarra, Aberin, Oteitza, ...)
- Arabako hego-mendebaldea (Arabako Errioxa, Oion ...) eta ondoko Nafarroako eskualdea.
- Bizkaiko ekialdeko zenbait eskualde, hala nola Enkarterrietako herri batzuk ( Balmaseda adibidez).
- Iruñea eta inguruak lehen ere erresoluzio handian zeuden, baina orain akaso zertxobait hobea, eta berritua, behintzat: lehengo irudiak (iazko Sanferminetako zaurituak kokatzeko erabili genituenak, oraindik han bistan) ordezkatu egin dituzte.
Bergen-eko kasua
Irudi berrien artean, ez daude oraindik Bergen (Norvegia) hirikoak. Baina etorriko dira. Izan ere, blog honetatik jakin genuenez, bertako hiriko agintariek erabaki dute han daukaten detaile handiko ortofotoa Googleri doan ematea. Hortaz, laster erresoluzio handia izango da fiordo inguru horretarako.
Zergatik egin dute hori Bergenen? Interes ekonomikoagatik. Bisitak, turismoa erakarri. Zer modu hobe jendea komentzitzeko, zure hiria ederto agertzea Googlen eta beste hainbat tokitan...
Euskal Herrian ere aukera legoke horretarako. Donostia itsusi dago oraindik Googlen eta Tagzanian, baina Eusko Jaurlaritzak badu detaile handiko airezko irudia Bizkaia, Gipuzkoa eta Araba osorako... Zergatik ez jarri irekian, publikoan, doan eman Googleri, eta beste guztiei? Ireki irudiok lizentzia libre batekin edo erabiltzeko erraztasun handiekin. Donostia horrela ikusiko litzateke orduan, eta irudi horiek, turismo promoziorako, Tagzaniarako, Bilbao.bi-ren klon koxkero batentzako, edo beste hainbat ekimenerako erabili ahal izango ziren.
Ez da dirurik kostako: ordainduta dago iruditeria aurrekontu publikoetatik.
Alderantziz: dirua errekaudatu egingo luke Jaurlaritzak, jarduera ekonomikoa sustatuz zerga gehiago bilduko lituzkeelako (aberastasun lokal apur bat sortuz, bide batez).
Erantzunak
> Saiatu naiz, baina ez dabil. Zuk lortu duzu 1:5000-ko fitxategirik deskargatzea?
Nik sarritan jaisten ditut argazkiok, eta ez dut inoiz arazorik eduki.
Irudi batzuk atera ditut, hobeto ikus dezazun nola funtzionatzen duen.
- Lehenengo, pertsianan hautatu jaitsi nahi duzun argazkia, hemen.
- Pantaila berri bat zabalduko zaizu, hautatutako irudia jaisteko loturak dituena, hemen.
- Egin klik irudia eta bere geoerreferentzia fitxategia jaisteko ikonoetan, hemen. Hobe da saguaren eskuineko botoiarekin "Gorde lotura honela" hautatzen baduzu, bestela lauzpabost megatako iruditzarra nabigatzailean zabalduko zaizu.
Munduan gertaturiko irudi berrikuntzetan, harritzekoa benetan batek Mostoles-en, Madrildik gertu, aurkitu duena. Mariano Rajoyren helikopteroa da, bai, eta irudi hau airetik atera eta ordu/minutu batzuetara gertatu zen istripua, 2005eko abenduaren 1ean. Egun berekoak dira kontu biak, benetan!
Dirson-en irakurria.
Froga batzuk hemen eta istripuaren bideoa Youtuben.
/cache/Udako-Ola-2024_1_small_content.jpeg)
> Euskal Herrian ere aukera legoke horretarako...
Eusko Jaurlaritzak badu webgune bat bere ortoirudi guztiak jaisteko prestatua. Ikusi hemen.
Ezkerreko zutabean, aukeratu urtea
Aukeratu eskala
Aukeratu orria, orri-kodeekin agertzen den pertsiana erabiliz
Jaitsi orria eta erreferentzia fitxategia (azken hau, GIS batean erreferentziatua ikusi nahi baduzu)
Erabil al dezake informazio hau edozeinek? Hau da ohar legalean jartzen duena:
"La utilización no autorizada de la información contenida en esta web, así como los perjuicios y quebrantos ocasionados en los derechos de propiedad intelectual e industrial de la Administración de la Comunidad Autónoma de Euskadi dará lugar al ejercicio de las acciones que legalmente le correspondan a dicha Administración y, en su caso, a las responsabilidades que de dicho ejercicio se deriven." (euskarazko ohar legalaren orria ez dabil).