Teknologia albisteak

Ehuugle

Sustatu - Sustatu

2006-04-20 : 16:04

Gorka Jakobe Palaziok prestatu duen Ehuugle aplikazioaren orrian irakurri daitekenaren arabera, Google deritzonaren antzekoa da, Euskal Herriko Unibertsitateko kideentzat prestatua. EHUUGLE-k Google API, Dietritch Ayalaren NuSOAP libreria eta Daniel Leoneren PHP scripta darabiltza.

Google APIei esker aplikazio berri asko bideratu dira. Inplementazio hau Google bilatzailea, PHP ta Javascript teknologiak erabiliz egindakoa da, eta Euskal Herriko Unibertsitateko Gorka Jakobe Palazio irakasleak burutu du.

Frogatu nahi izanez gero, Ehuugle helbide honetan dago kokatuta: www.zopelana.org/ehuugle .

Erantzunak

Ricardo Gómez

2006-04-20 : 23:23

Bale. Baina zertarako balio du? Ehuugle-ren orrian ez dut ezer aurkitu bilatzaile horren berezitasunaz. Zer aurkitu ahal dugu hor EHUko kideok beste bilatzaileetan aurkitzen ez duguna?

Ziur naiz zerbait berezia duela eta eskertuko nuke inork argituko balit.

metaltrainer

2006-04-21 : 00:52

Ez dut ulertzen. Hasieran pentsatu nuen bilaketak euskaraz egingo zituela, baina itxura batean ez, Google-ren emaitza berdinak ematen ditu. Ala ez?