Ahotsak adierazpenaren bloga
Ahotsak, ideologia askotariko eta Euskal Herri osoko Emakume Taldeak bere Bakearen Aldeko Adierazpena publiko egin zuen atzo, euskal bake prozesuaren ekarpen gisa. Sinadurak biltzeko Emakumeak, batzen gaituenetik izeneko bloga sortu dute Bloggerren.
EAJ, EA, Batasuna, AB, PSE-EE, PSN, PS, EB-Berdeak, IUN-NEB, Aralar, LCR, Nafarroa Bai eta Plazandreok alderdi eta ELA, LAB, ESK, CCOO, UGT, CGT, EILAS eta EHNE sindikatuetako kideek sinatu zuten agiria.
Aldiz, PP, UPN eta UMP alderdi eskuindarretako emakumeak ez dute bat egin adierazpenarekin.
Maddalen Iriarte, Beatrice Molle eta Mertxe Aizpurua kazetariek irakurri zuten agiria, euskaraz, frantsesez eta gaztelaniaz.
Adierazpena duen ahotsak.blogspot.com blogaren bitartez adierazpenarekin bat egin edo iruzkinak bidaltzeko aukera dago. Horretarako, izen-abizenak eta NAN-CNI-EHNA zenbakia eranstea eskatzen da.
Erantzun
Sartu