Teknologia albisteak

Euskararen diskurtsoa erdal komunikabideetan

Erabiltzailearen aurpegia
Aitor
2006-04-07 : 12:04

Apirilaren 5ean Aurelio Arteta irakasleak Vocentoren egunkarietan) artikulu bat idatzi zuen "Euskal Herria en el Curriculum" izenburupearekin. Berez euskararen inguruan sortzen den edozein ekimenen aurkako beste iritzi soil bat izan litekeenean munta handiagoko sakoneko beste arazo bat ikusten dut nik: erdal komunikabideetan nagusi den euskararen inguruko diskurtso negatiboa.

Eta, nire ustez, kontu hau ez litzaiguke oharkabean pasatu behar. Izan ere, aipatutako bi egunkariok, denok dakigunez, oso boteretsuak dira, hedapen zabala izateaz gain gure arteko herritar askorentzako iritzi sortzaileak baitira.

Horren inguruan, euskaltzaleok nola edo hala entzunarazi beharko genuke gure ahotsa aipatutako komunikabideetan zein beste batzuetan. Badakit hau oso zaila dela (ia ezinezkoa), baina aproba bat egitera gonbidatu nahi zaituztet: irakurri Arteta irakaslearen artikulua eta bidali gutun bana irakurleen txokora; hori bai, argitaragarriak izateko moduan; hau da, nork bere iritzia argi azalduz, baina nolabaiteko tonu moderatu eta arrazoituan. Bestela, barrenetik atera dakigukeena idatzita izan seguru alferrikako lana egingo dugula. Nik neuk, behintzat, gaur bertan egingo dut nire saiakera.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago