Blogak 2.0 jardunaldiaren programa etzirako
2006-04-04 12:04
Etzi osteguna, hilak 6, izango da Bilbon (Deustuko Unibertsitatean), Blogak 2.0 topaketa. Euskal Herriko Interneteko zenbait ekimenen topaketa (baita kanpotik etorritako izen interesgarri batzuk). 300 lagunek eman dute izena, ez dago leku gehiago.
Programako gaiak, goiz eta arratsaldeko jardunaldi trinko batean:
- Enpresa 2.0. Besteak beste, Loic Le Meur Six Apart Europako burua (Six Apart: Movable Type eta Typepad blog sistemen enpresa).
- Agregatzaileak: Javier Lasa (Vocento, Canal-si.com), Manuel González (SimpleLogica, Linkja.com) eta Ricardo Galli (Meneame,, Euskal Herrian Mutilmediakoek klonatu duten Zabaldu.com berriaren aurrekari eta oinarria da Galliren proiektu interesgarria).
- Bilatzaileak: Google, Ask.com eta Noxtrum bilatzaileetako Espainiako ordezkariak.
- Kazetaritza 2.0: Patxi Gaztelumendi Lontzo Sáinz (EITB24), Fernando Belzunce (El Correo) eta Susi Rodríguez (Blogari.net)
- Web 2.0 teknologiak: Microsoft (etorkizuneko Atlas sareko sistema eragilea aurkeztuko omen dute) eta Deustuko Unibertsitateko ordezkariekin, besteak beste.
- Mashup edo garapen geografikoak: Luistxo Fernandez (CodeSyntax, Tagzania), Diego López de Ipiña (Deustuko Unibertsitatea) eta Miguel Cuesta Dirson (Bilbao.bi, Alianzo )
- Unibertsitateko blogak: Joseba Abaitua (Deustu), Gorka Palazio (EHU) eta Felipe Martín (EHU, Onekin).
- Politika 2.0: EA, EAJ, PP eta PSE-EE-ko blogari banarekin.
Horrez gain, kontaktuetarako bazkaria, eta saio berezi bat Musicstrands enpresarentzat (Bilbo eta Bartzelona arteko proiektua).
Informazio gehiago: Blogak.org
Erantzunak kargatzen...
