Letren Astea Deustuko Unibertsitatean
Datorren aste honetan, ESIDEko astearekin bat eginez, Letren Astea ere izango da (hiru filologiek eta Historiak osatutakoa) Deustuko Unibertsitatean. Apirilaren 5etik 7ra hitzaldiak, mahai-inguruak, aurkezpenak eta tailerrak izango dira, besteak beste, guztion esku. Blog lehiaketa bat ere bai, eta euskarazko blog onenarentzat, sari bat.
- Apirilaren 5ean, asteazkena, ESIDEko bideo-konferentzia aretoan:10:30-12:00. Euskal Blogosferaren gaineko mahai-ingurua. Parte hartuko duten blogariak:gonbidatuak alde batetik: Joxe Aranzabal (goiena.net) Julen Gabiria (eibar.org), eta unibertsitateko ordezkariak, bestetik: Eneko Zuloaga (goiena neten Blogigrafoa eta Litterakoa), Lander Azaola (Littera), Janire Rodriguez (goiena.neten Ostertza eta Litterakoa) eta Janire Enzunza (Littera).
- Apirilaren 5ean, asteazkena, ESIDEko bideo-konferentzia aretoan:Bertsolaritzaren atzean izeneko mahai-ingurua.Gonbidatuak: Bernardo Mandaluniz, Amaia Jauregizar eta Gorka Intxaurbe.
- Apirilaren 6an, osteguna, Letren Fakultateko 210. gelan:Euskara Ahoan taldearen aurkezpena. Bertan, taldearen sorketatik orain arte izan den bilakaeraren berri emango dute, baita hurrengo hilabeteetara begira dituzten ekintza eta proiektuen azalpenak ere.
Bestalde, blog lehiaketa bat ere antolatu da, eta hiru sari egongo dira, ingelesez, gaztelaniaz edo euskaraz idatzitako blog onenarentzat.
Erantzunak
Euskara Agoan ekimena guztiz positiboa iruditzen zait. Positiboa eta beharrezkoa.
Hala ere, Deustuko Unibertsitatearen euskararekiko jarrera tamalgarria ezin da ezkutatu ikasleen erabilera faltaren atzean.
Bi adibide.
Deustuko Unibertsitateko aldizkariak euskarari ematen dion tratamendua edonor lotsagorritzekoa da. Eskutitzez behin baino gehiagotan trataera eskas hori salatu dudan arren, euskara gehiago sartu ordez gero eta toki gutxiago egiten diote. Azkeneko zenbakikoa iraingarria iruditzen zait. Ez dute inolako borondaterik.
Beste adibide bat: deitu ezazue unibertsitateko zentralitara eta bertako langile euskaldunaren erantzuna: "Universidad, buenos días" izango duzue. Horiek unibertsitatearen erabakiak dira, baina ez dute gogorik.
Eta kitto.
ESIDEko Zientzia eta Letren asteak lehen blog lehiaketa antolatu du. Izena
eman ahal izango dute horretan, blog propioa daukaten Deustuko
Unibertsitateko Filosofia eta Letretako edo ESIDEko ikasleek. Edozein
zerbiutzaritan dagoen blogak aurkez daitezke, gai librekoak.
Gaztelaniaz, ingelesez edo euskaraz idatzitako blogak onartuko dira.
Hizkuntza bakoitzeko sari bat egongo da, eta CodeSyntax enpresak emango du, Blogak.com eta Aurki guneen sortzaileek, hain zuzen.
Littera zerbitzuan ostataturiko
blogak automatikoki sartzen dira sariketan. Gainerako blogak 2006ko apirilaren 5a baino lehen apuntatu behar dira.
Horretarako, bidali mezu elektroniko bat ladymm@gmail.com edo
joseba.abaitua@gmail.com helbidera, eta gaian zera jarri: "Blog lehiaketa".
Mezuan adierazi zein den apuntatu beharreko blogaren URL-a, eta argi geratu
bejarko da egilea Deustuko Unibertsitateko ikaslea dela (izena eta
ikasketak zehaztea nahikoa izango da).
Epaimahaia hiru lagunek osatuko dute: Lady Pain, nik neuk (Joseba Abaitua) eta
CodeSyntax-eko partaide bat, eta 2006ko apirilaren 7an emango da jakitera.
/cache/Udako-Ola-2024_1_small_content.jpeg)
Aupa jani! Ondo urtengo da dana! Gora Euskal Filologia eta Euskara Agoan taldea!
Gogoratu: Maita gutxiago, mintza gehiago!