Teknologia albisteak
ETAren su-etena, biharamunean
Sustatu
2006-03-23 : 09:03
Gaur goizerako apunte batzuk: Su-etena idatz dezagun, eta ez suetena, marratxoarekin baita Hiztegi Batuaren arabera. Gara egunkarian ETAren komunikatu osagarri bat, hiru hizkuntzatan. Eta kontu gehiago...
Technorati-n, termino bilatuenen artean jarraitzen du lehen posizioan ETAk, eta baita tag edo etiketa beroen artean.
Berria.info-n, Su-etenari buruzko atal berezia eta irakurleek beren iritzia uzteko foro bat.
Aurki-ko portadan, aipu mordoa aurkituko dituzu, atalik gehienetan.
Su-etena, marratxoarekin. Eta iraunkor izenlagunaren inguruan, hiztegiko definiziora jo du Imanol Muruak, eta Euskaltzaindiak sostenible/sustainable emateko eman zuen euskal ordainera ere bai Inaki Irazabalbeitiak, iraunkor baita akademiak termino ezagun horrentzat proposatzen duena.
Gaztelaniaz berriz, tregua eta alto el fuego gauza bera ez direla ari dira esaten batzuk.