Teknologia albisteak
1

Mundua.com, euskaraz bloga sortzeko beste plataforma bat

Erabiltzailearen aurpegia
Sustatu
2006-04-03 : 10:04

Mundua.com blogak edo weblogak sortzeko aukera ematen duen zerbitzu berria da. Blogak egiteko Wordpress erraminta libre eta euskaratuarekin egina dago gune hau.

Zerbitzuaren administratzaileak, Aitor Ortuondok, honelaxe deskribatzen ditu Mundua.com-en ezaugarri nagusiak aurkezpeneko artikuluan:

  • Zure blog sortzea eta kudeatze oso erraza da, interfaz garbia eta txukuna eskeintzen baitugu.
  • Zure blogaren itzura aldatu dezakezu. Oraingoz 7 itzura ezberdin eskeintzen dizkizugu eta laster kopuru hau handitu egingo da.
  • Plugin sistemari ezker, zure blogari funtzio ezberdinak gehitu ahal dizkiozu.
  • Zure blogak estatistika pribatuak ditu (Wp-ShortStat plugina).
  • Etab.

Ortuondok bertantxe dauka bere blog teknofiloa, hiru puntu zero. Duela egun batzuk, Jaurlaritzak banatutako dirulaguntzen inguruko kritika eta artikulua zekarren, Mundua.com laguntzarik gabe utzi dutela-eta.

Bizkaiko enpresa batek sortu du Mundua.com, Gorlizko Ekostat Informaticak. Gaztelaniazko zerbitzu bat ere sarean du enpresa honek, Guebs.com

Erantzunak

Aitor Ortuondo, Ekostat Informatica, S.L.
2006-04-03 : 19:09

Igande hontan, Apirilaren 2an, martxan jarri dugu Mundua.com, blogak sortzeko zerbitzu berria.


Beraz, blog bat eduki nahi baduzu, Mundua.com bisitatu eta zure bloga sortu ezazu.


Blogak edukiak sortzeko tresna bikainak dira eta edozeri buruz idazteko aukera ematen dute. Zure ideiak kontazeko erabil dezakezu, zure herriari buruzko berriak argitaratzeko edo zure saskibaloi taldearen gora-beheren berri mantentzeko. Edozertarako.


Zerbitzu hau, gaur egun existitzen duen blogak sortzeko aplikazio hoberenetako batean oinarritua dago, WordPress izena duen aplikazio askean.


Oraintxe bertan, zure blogean erabiltzeko 7 itzura ezberdin dauzkazu eta aurrez instalaturiko pluginei ezker, zure blogaren funtzionalitatea handitu dezakezu. Funtzionalitate hauen artean, zabaldu.com -era istorioak bidaltzea errezten duen plugina dago.


Dagoeneko funtzio eta aukera ugari eskeintzen baditu ere, Mundua.com ez dago oraindik bukatua eta ondorengo asteetan zerbitzua hobetzen joango gara eta funtzionalitate berriak gehitzen.


Zure bloga sortzea oso erraza da: Mundua.com bisitatu eta sarrera orrialdeko formularioa bete, minutu gutxitan zure e-posta helbidean zure blogaren administrazio gunera sartzeko beharrezko datuak jasoko dituzu.


Mundua.com erabili nahi baduzu, baina dagoeneko beste nonbaiten blog bat baldin baduzu, ez arduratu. Zure bloga sortu ondoren, administrazio gunera sartu, bertan beste blogeko istoriak inportatzeko aukera ematen dizun tresna bat aurkituko duzu.


Bukatzeko, Mundua.com, Ekostat Informatica, S.L. enpresa gorliztarrak eskeintzen dizuela aipatu behar dugu, guebs.com hosting zerbitzuak eskeintzen dituen berbera.


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago