CAF-Elhuyar zientzia-dibulgazioko XII. sariak banatu ziren ostiralean

CAF-Elhuyar zientzia-dibulgazioko XII. sariak banatu ziren ostiralean Elhuyar Fundazioaren egoitza nagusian. Aurtengo edizioan, dibulgazio-artikuluei dagozkien hiru sari nagusiez eta gazteentzako sari bereziaz gain, dibulgazio-liburu bat idazteko urtebeteko beka bat ere eman zen. Guztira 28 dibulgazio-artikulu aurkeztu ziren, eta dibulgazio-liburua idazteko 3 proiektu. Sarituak hauek izan dira:

- Lehenengo saria: "Burdinbideen iraultza" lanarentzat izan zen. Egilea Hibai Unzueta García izan da. Saria: Imanol Andonegiren eskultura eta 1.000 €.
- Bigarren saria: "Zaharrak-berri" lanarentzat izan zen eta egilea Estibaliz Arbelaitz Ubegun izan zen. Saria: Imanol Andonegiren eskultura eta 500 €.
- Hirugarren saria: "Arrainak, geneak eta txipak: kutsaduraren aurrean espresatzeko askatasuna" izenburupean aurkeztutako lanarentzat izan zen. Egileak Eider Bilbao Castellanos eta Ibon Cancio Uriarte izan ziren. Saria, Andonegiren eskultura eta 300 €.
- Gazteentzako sari berezia: "Maite haugu, zorion" artikuluarentzat izan zen. Egilea Igor Aristegi Urkia izan zen. Saria: Imanol Andonegiren eskultura eta 300 € izan dira.
- Dibulgazio-liburua idazteko 4.500 €-ko beka Begoña Arrate Larrañaga biologoak irabazi zuen "Biziaren sarea ehuntzen" izenburua daraman proiektuarengatik.


Artikulu irabazleak apirileko Elhuyar Zientzia eta Teknika aldizkarian eta www.zientzia.net web gunean irakurri ahal izango dira.