Teknologia albisteak
1

Euskal curriculuma eta IKTak

Erabiltzailearen aurpegia
Sustatu - IKTeroen blogetik
2006-03-08 : 10:03

Euskal Curriculumaren webgunerako lotura ohar bitxiarekin ageri zaigu gaur IKTeroenean, artikulu batean: Internet explorer behar da. Egia da, Firefoxekin gaizki ikusten da. Eskerrak Curriculumaren helburuetako bat den, IKTen alorrean, ikas-prozesuaren amaieran Interneteko nabigatzaile baten funtzio guztiak baliatzen jakitea...

Anekdotaz aparte, IKTeroen post horretan, informazio interesgarria Euskal Curriculumaren eztabaida prozesuan Informazio eta Komunikazio Teknologiek izan dezaketen tokiaz.

Informazio horretatik, atal bat ekarriko dugu hona. Euskal Herriko ikasle batek bere derrigorrezko hezkuntza amaitzerakoan lortu beharko lukeena:

1. Sistema informatikoen kontrola

Sare kontzeptuak (intranet/extranet) bereiztea eta hardwareko elementuak behar bezala menderatzea (haien mantenimendua barne), bai eta Sistema Eragile estandar baten terminologia eta funtzioak ere.

2. Informazio bilaketa eta hautaketa

Interneteko nabigatzaile baten funtzio guztiak baliatzen jakitea eta bilaketa aurreratuak eta eraginkorrak egitea.

3. Komunikazio telematikoa

Posta elektroniko estandar baten eta Interneteko beste komunikazio zerbitzuen funtzio guztiak (mezularitza, txatak, foroak…) behar bezala erabiltzea.

4. Informazio prozesamendua eta edizioa

Informazioa (testua, grafikoak, soinua, animazioa, bideoa) eraikitzeko eta editatzeko mota askotako softwarea erabiltzea, eta informazioa testu prozesadoreetan, aurkezpenetan eta web orrietan integratzen jakitea.

5. Datuen kudeaketa eta kalkulua

Egoerak eta gertaerak irudikatzea, datuen egitura bakunak sortuz, kontsultak, txostenak edo grafikoak egiteko.

Erantzunak

xa2
2006-03-09 : 10:05

Hau da albisteak emateko modua!!

Zer da honekin sustatu nahi dena?

Euskal kurriculumaren inguruko eztabaida edo web diseinuaren zuzentasuna?

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago