Baionako udal batzarraren bideocast-a
Seguruenez lehen aldiz Euskal Herrian, Udal batzar bat plazaratu egin da blog baten bidez. Baionako blogari bat Baionako herri kontseiluan aurkeztu zen bideokamara batekin eta grabaketa egiteko eskubideen inguruan eztabaida eta kontsultak izan ondoren, dena grabatu eta bost minutuko zatia bere blogean argitaratu du. Kalitatea ez da beste mundukoa, baina eztabaidak ikusgai daude.
Baiona blogeko arduraduna kamara batekin aurkeztu zen Baionako udal batzarrean eta besterik gabe filmatzen hasi zen.
Jean Grenet alkateak galdetu zion ea kazetaria zen eta grabatzeko eskubidea zuela baieztatu ondoren, grabaketarekin jarraitzen utzi zion.
Grabaketaren zati bat podcast edo bideocast moduan ikusgai dago Baiona blogean .
Udal batzarrak publikoak direnez, grabatzeko eskubidea dago eta baita publiko egiteko ere, hau da blog batean erreproduzitzeko eskubidea dago.
Ezpeletako blogekoek berera ekarri dute albistea:
Plazaratuz Ezpeletako herri kontseilua blogaren bidez, herritarrek parada bat baino gehiago izanen dute jakiteko norat ari girela. Demokrazia hobekio sendituko da.
Erantzunak
> Seguruenez lehen aldiz Euskal Herrian, Udal batzar bat plazaratu egin da blog baten bidez. Baionako blogari bat Baionako herri kontseiluan aurkeztu zen bideokamara batekin eta grabaketa egiteko eskubideen inguruan eztabaida eta kontsultak izan ondoren, dena grabatu eta bost minutuko zatia bere blogean argitaratu du. Kalitatea ez da beste mundukoa, baina eztabaidak ikusgai daude.
> Behatza ilargira zuzendu duzue eta ni behatzari begira gelditu naiz.
>
> "Video"-ari euskaraz bideoa esaten diogu. "Videocast"-ari, nola? Bideokasta ala videocasta?
>
> Izan ere, "video" eta "cast" hitz biak maileguak izanik, ez lukete tratamendu berbera beharko?
Guztiz ados. Eta "-" marratxo hori ere kendu egingo nuke: blog-a idazten ez den bezala, hau ere marratxo gabe.
Behatza ilargira zuzendu duzue eta ni behatzari begira gelditu naiz.
"Video"-ari euskaraz bideoa esaten diogu. "Videocast"-ari, nola? Bideokasta ala videocasta?
Izan ere, "video" eta "cast" hitz biak maileguak izanik, ez lukete tratamendu berbera beharko?