Galdakaoko Udal Euskaltegiak bloga zabaldu du
Aspaldi genbiltzan Galdakaoko Udal Euskaltegian blogaren kontu hau dela eta buruari eragiten. Azkenean, erabaki beharrekoak erabaki eta hona hemen gure ikasle berritsuentzako bloga (beta bertsioan oraindik).
Gorago aipatu dugun lez, bagenuen asmoa Galdakaoko Udal Euskaltegian bloga zabaltzeko. Zalantzak genituen zein izan behar zen blogaren egitekoa, zein formatoa (testu luzeak/laburrak, esteka asko/gutxi, ikasleen parte hartzea nola/zertara bideratu...). Zalantzak ez ditugu erabat argitu baina erabakiak hartu bai, eta bloga sortu. Helbidea honakoa da:http://berbetan.blogspot.com Bertan topatuko duzuenak, agian, antza gehiago du foro batekin ohiko blog batekin baino, testuak laburrak direlako eta eztabaida edo iritzi trukaketara zuzenduak. Hain zuzen hauxe da bultzatu nahi duguna, ikasleen parte hartzea, berbetan modu informalean aritzea, idatziz bada ere. Blogaren dinamizazioa izango da, beharbada, erronka. Printzipioz, astero jorratuko dugu gai berri bat eta klaseetan sustatuko dute irakasleek ikasleen esku hartzea. Ikusi beharko zelan funtzionatzen duen, erantzun eta bisita kopuruaren aldetik. Hau hasiera baino ez da, lagunok ;-)
Erantzunak
Ondo irakurri baduzu, lagun, bloga sortzeko "aspaldi genbiltzan" diogu artikuluaren hasieran; horrek esan nahi du blogari.net sortu baino lehenagotik genbiltzala aprobak egiten.
Bestalde, bloga bisitatu baduzu, irakurriko zenuen "beta" bertsioan ari garela eta, jakina, jarritako helburuak betetzen baditugu aztertuko dugu, nola ez ba, euskarazko tresna bat erabiltzea, dela blogari.net edo bitakora.com. Beraz, pazientzia apur bat, lagun.
Animo galdakotarrentzat eta blogzaleentzat!!!
Euskera ikasi, ingelesarekin trebatu eta tresna berri hauek hizkuntza zaharraren zerbitzupean jartzeko... zentzu apurtxu bat baino ez dugu behar.
Daukaguna erabiliz, dakiguna zabalduz... denon onerako izan dadila!
Aurrera bolie!
....> Aspaldi genbiltzan Galdakaoko Udal Euskaltegian blogaren kontu hau dela eta buruari eragiten. http://www.galdakao.net/euskaltegi/HomepageE.html
/cache/Udako-Ola-2024_1_small_content.jpeg)
Euskaltegia eta ingelesezko berbak jakin behar idazteko. Baina zer da hau? Behin eukingo euskaldunok tresna txukun bat euskaraz ibilteko eta orduan be Porsmoutheko ferria hartu behar?
Blogari.net oso tresna txukuna, jatorra, librea, eta euskalduna da. Zer gehiago behar dogu ba?
Gero eta gutxiago ulertzen dot. Imajinatzen dozue, euskara ikasteko alemanezko pelikulak emotea?
Blogari.net izan be, oraindiño sasoian zauzie eta.... gero gerokoak.
Euskara ikasteko, euskarazko tresnak. Lehen lekzioa.