Euskal Kanturik Ordainduena, orain doan
SMSen lehiaketa timofonikoa bukatu da. Xabier Leteren Xalbadorren Heriotzean (adiskide bat bazen...) da Euskal Kanturik Onena. Cd-a salgai dago, baina nik Interneten jarri dut mp3-a jaisteko moduan.
Hau da euskal kanturik onena, nonbait:
Bide batez, nire gustorako kanturik onena beste bat da. Bertold Brechten poema batekin Mikel Laboak musikatutakoa, Gaberako Aterbea, baina Negu Gorriak-en bertsioan:
Letrak behintzat doan jarri ditu ETBk Euskal Kanturik Onenaren webean: http://www.eitb.com/eko/
Bada zerbait, ze Loteriaren egunean, zenbaki batek saria zuen ala ez jakiteko, 800 zenbaki bat eta SMS ordaindutakoak proposatu zituzten ETBko albistegietan: informazioaren tarteetan ere, ikusentzuleei estortsioa.
Eta beste bat:
Garai batean kontu handiz egiten zen informazio/publizitate banaketa. Ez dakit idatzitako norma ote zen, baina telebistan albisteak ematen zituen inork ezin zuen aldi berean publizitaterik egin.
Atzo entzun nituen Radio Euskadiko korrespontsalak lotsarik gabe R.E-ren azkeneko liburuaren publizitatea egiten, albiste moduan gainera "Bush liburutegi batean ikusi dute gure liburua erosten" eta horrelakoak. Autobonboa jotake.