Egaña zuzenean gaur irratia.com-en
Andoni Egaña bertsolaria elkarrizketatuko dugu gaur irratia.com saioan, 18:00etatik aurrera. Elkarrizketa zuzenean eta zuzeneko emanaldia izango da. Beraz, edonondik entzun eta galderaren bat botatzeko aukera ere izango duzue internautok.
Bertsolaritzaren inguruan sortu den honen guztiaren inguruan jardungo dugu gaur Andonirekin. Gogoetarako eta iritzietarako bidea eman digu eta emango digu, seguru, hainbat ikuspuntutatik aztertuta, komunikazioa, teknologia berriak eta beste.
Erantzunak
Diario Vasco-n ere azaldu da IKEAko aulki famatua.
Testu honekintxe:
"Txapelketa-finaleko azken partean, Aulkia jarri zieten kantagaitzat Egaña eta Iturriagari. Bere bertsoan, Egañak gogoan izan zuen BECen ondoan dagoen Ikea, eta esan han ez dagoela behiak jezteko aulkirik. Atzo, berriz, sustatu.com euskaldun atariko lagunen bat denda tzar hartatik pasa eta, umeentzako altzarien atalean, behiak jezteko balio duen aulkia topatu zuen (argazkian ageri dena). Euskaldun nabigatzaileen artean oihartzun handia izan zuen sustatuzalearen ateraldiak."
Lagunen bat dendatzar hartatik pasa eta... hori ez gainerako guztia, perfekto. Bertatik pasa beharrik ez katalogoan begiratzeko.
Ea inork argitzen dion Egañari Ikeako aulkiarena, gaur Internetekin kontaktu apur bat edukitzea tokatu behar zaion honetan.
Berriz itsatsi dugu portadan
Ikeako Mammut aulkitxoa, behiak jeisteko modukoa (modelo egoki batek hiru hanka beharko lituzkeen arren).
Garan irakurri dugu, eta Radio Euskadin ere esan omen zuen Andonik: pozik dagoela Ikeak mezu honekin erantzun diola Sustatutik. Ai, inuxentea. Sustatuk berak aurkitu du analogia, itsatsi du argazkia, eta asmatu du testua.
Ez dugu uste Ikean enteratu zirenik BECen ezer zegoela.