Teknologia albisteak

Kafe Antzokian elkartu gara blogari koadrila

Sustatu - Bilbo

2005-11-27 : 20:11

Hemen gaude koadrilatxo bat, Bilboko Kafe Antzokian Blogs & Bears 2.0 topaketan. Proposamen bat, blogariok: blog sarrerarik eginez gero, edo argazkirik kargatuz gero Flickr-en, erabili BBBilbo tag edo etiketa. Blog sarreretan ere, hemengoa komentatzeko, idatzi post-aren testuan BBBilbo hitza eta ikusiko dugu Technoratin eta Flickr-en ezer agertzen den...

Atean, Beers barik, Bears (Hartzak) jarri dute, baina ez da Irratia.com-en errua, esan digutenez.

Nolanahi ere hartz usaina ere ez oso urruti... 20 bat mutil eta bi neska bakarrik ikusten dira hemen...

Erantzunak

Luistxo

2005-11-27 : 21:13

Enekok bere kamerarekin atera dituenak kargatu ditut neuk neure Flickr kontura, eta agertzen dira jada tag horren orrian. Baina Patxi Gaztelumendik ere kargatu du bat eta hori ez da ageri, tag-a zuzen izan arren. Izatez, ez zaio sekula bere argazkirik tag kolektiboko orrietan agertzen...

Ni ere ikusia nago Flickr-en bug edo arazo arraro hori. Inork badaki konponbiderik?

Joxe Aranzabal

2005-11-27 : 21:48

Aupa, lagunak! Katarroak etxean nauka lotuta, eta horregatik ezin joan BBBilbo horretara. Baina ikusten dut talde polita elkartu zaretela, eta lanean diharduzuela jo eta ke, gauzak kargatzen. Besarkada bat denoi!

Bilbon ez dagoen hartz bat

2005-11-27 : 23:21

A ze inbidia ematen didazuen!! Ni etxean nago, gurpil aulkiarekin Gasteiztik ateratzeko betiko arazoekin.

Garagardo bat hartu nire partetik eta ondo-ondo pasa.

iturri

2005-11-27 : 23:35

Kaixo:

Jakin izan banu, Anoetara joan beharrean, Bilbora joango nintzatekeen... zer partida eskasa!

Ez da jende gehiegi bildu, baina eguraldiak ere ez du lagundu.

Animo eta goraintziak guztiei.

Juanan

2005-11-28 : 23:14

> Hemen gaude koadrilatxo bat, Bilboko Kafe

> Antzokian "Blogs & Bears 2.0"

Blogak eta hartzak? joer, garagardoen (beers) eta hartzen (bears) artean badago aldea....

jejeje... garagardo gehiegi edan eta gero horrelako anka sartzeak gertatzen dira...

Juanan