Euskararen irudia eta euskararekiko sentimendua. Nola aldatu da azken 20 urteotan?

Getxoko Udal Euskaltegiaren 20. urteurrena dela-eta, hainbat jarduera antolatu dira aste honetan. Horietariko bat bihar bertan duzue: mahai-ingurua. "Hizkuntzarenganako sentimendua nola aldatu da?". 80ko hamarkadatik hona ahalegin handia egin dugu euskara zabaltzearren, Hezkuntzak, Administrazioak, Herri ekimenak... Kezka dugu, ordea, zein ote den egun gure hizkuntzak sortarazten duen sentimendua kalean, jendearengan...
Gu ibilbide horretan, zabaltze lanetan partaide izanik, bai herrian, bai Euskal Herrian euskarak izan duen bilakaeraz hitz egiteko aukera zabala eskaini nahi dugu eta horretarako arlo honetako zenbait aditu gonbidatu ditugu: Kike Amonarriz, Joseba Santxo, Joxean Muñoz eta Aitor Etxebarria hizlari eta Xabier Paya horien guztien moderatzaile lanak egingo dituena. Uste dugu edonoren intereseko gaia dela eta mahai-inguan entzule gisa parte hartzera gonbidatzen zaitugu.