Teknologia albisteak

Bizikletak trenean

ander goñi

2005-11-03 : 09:11

Europako parlamentuak trenetan bizikleten garraioa bultzatu nahi du. Ni nue, noizbait trenean bizikleta erabiltzea pentsatu dudan arren, trenean horrelako "katxarroa" sartzeak atzera botatzen nau...

Infovías verdes-en irakurri dut europako parlamentuak tren eta bizikletaren erabillera bultzatu nahian, ebazpen bat kaleratu duela. Ba dira bi hillabete, hamar urteko kotxe erabillera alde batera utzi eta lantokirako bidaia trenez egiten dudala. Etxetik tren geltokira kotxez egiten ditut bi kilometro inguru eta helmugatik lantokirako 3 kilometroak autobusez egiten ditut. Hillabete pare batean lauzpa-bost liburu irakurri ditut, bidai kostua laurdenera jatxi dut, gidatzeak sortzen didan goizeko estres puntu hori atzean utzi eta lanetik orduan ateratzeko aitzaki paregabea dut orain. Denak bere prezioa du, kasu hontan goizeko seiretan jaiki beharra.... Noizbait bizikleta erabiltzea pentsatu dudan arren, trenean horrelako "katxarroa" sartzeak atzera botatzen nau. Posible ikusten al duzue bizikletaren erabilpena? Ba al da zuen artean lanera bizikletan joaten den zororik? Noizko bidegorri bat Elgoibarren?

Erantzunak

Iñaki

2005-11-03 : 10:42

Ni otsailetik nabil bizikleta-trena-bizikleta bidaiak egiten: Donostiako Alde Zaharretik Easoko Euskotreneko geltokira, Easotik Lasartera eta hortik kilometro t'erdi lantokira. Oso pozik nago, ordu erdi inguru behar det bidaia burutzeko eta oso merkea da (bizikleta erosi dudan arren).

Arazoak ere baditu noski:

Trena oso beteta badoa (egoera arraroa) leku gutxi dago bizikletentzako, Euskotrenek plataforma bakarra prestatzen duelako. Hala ere, ez det inoiz hurrengo trenera itxoin behar izan.

Eguraldia. Orokorrean ez zait axola pixka bat bustitzea baina txaparradaren batekin txitoen moduan iritsi naiz lantokira

Ia egunero kotxea zergatik erosten ez dudan lankideei azaldu beharra.

Hori bai, bizikletan ezingo duzu libururik irakurri...

itziar

2005-11-03 : 23:22

Aurreko urtean Euskotrenek geltoki berria jarri zuen Unibertsitatean ikasten dugunon onerako edo. Halere esan beharra dago, nahiko tarte handia dela nire fakultatea eta geltokiaren artean. Horregatik hasi nintzen, nire herrian egiten dudan modura, bizikleta erabiltzen. Eta ez, ez da ideia txarra: oso ekologikoa, ariketa egiten duzu, lehenago iristen zara leku guztietara... Baina, goizeko 8tako trena hartzen hasi nintzenean, bizikleta eramateko gogoa ere kendu zitzaidan. Batzutan bost bizikleta ere jarri behar izaten genituen, gurpildun aulkientzat erreserbatutako tokian; ingurukoen begiradak, komentarioak... Egia esan ez dakit gurpildun aulkian batenbat etorriz gero, zer gertatuko litzakeen.

Nik uste bizikleta eta trena erabiltzea oso positiboa dela, eta bultzatu beharreko egitasmoa dela. Hori bai, beste gauza gutxitarako bezala, erraztasunak eman behar dira, "bizikletero" gehiago jarri, eta trenetan txoko bereziak ipini... dena ingurugiroaren alde.