Teknologia albisteak

Sustatu, Espainiako (!) blog garrantzitsuenen artean

Sustatu

2005-09-30 : 09:09

Alianzo Networks enpresa bizkaitarrak Espainiako blogen ranking bat eratu eta aurkeztu zuen duela aste batzuk sare sozialei buruzko bere blogean. Orain berritu egin dute zerrenda, eta Sustatu agertzen da, Espainiako 50 blog eraginkorrenen artean. Gaztelaniaz ez den bakarra da, gainera.

Sustatu sartu da 39 postuan zerrenda horretan, hemen duzue osorik. Alianzotik adierazi dutenez, katalanezko bat, Puntbarra, 50.etik gertu geratu da, baina ez talde horretan. Eta beste guztiak, gainera, gaztelaniazkoak dira, Barrapunto buru dela.

Seguruenik, katalanaren indarra ikusita, egon behar dute hortik beste blog batzuk hizkuntza hartan geureak baino eragin handiagoa izango dutenak. Baina ez dira ageri. Euskal panoramari begira, ez dakigu beste blogen batek Sustatuk baino garrantzi, eragin edo kalitate handiagoa duen, baina euskal blogosfera indibidualak, oro har hartuta, askoz interes gehiago dauka blog kolektibo honek baino.

Baina tira, metodologia jakin bat aplikatu dute, eta emaitza horixe da.

Bestalde, Compareblogs tresnan begiratu dugu,eta ez daude Sustatu baino bloglines harpidetza gehiago dituzten blog asko Espainian... Compareblogs-ek ematen dituen datuen inguruan, beste artikulu bat euskal blogosferan, Klik Bikoitzean.

Erantzunak

Sustatu

2005-09-30 : 13:35

Ohore hau jaso dugula eta, estatistikei erreparatu diegu.

Hilebete arrunt batean, gaur amaitzen den irail honetan, oporren ostean:

85.000 bisitari izan ditu Sustatuk.

180.000 orrialde ikusi izan dira.

Urte osoan: 2004ko urritik 2005eko irailera:

750.000 bisita

bi milioi orrialde ikusi dira

Bestalde, Sustatuko rss-etara harpidetuta dagoen jendea gora doa etengabe.

Ez dago gaizki. Batez ere kontutan izanik euskarazko 600.000
hiztun/irakurle potentzialak dituen blog bat, gaztelerazko 300 milioi
hiztun/irakurle potentzialak dituen blogen aurrean edo artean kokatzen
dutela.
Konparagarriak eta gaztelerazko parean jartzeko, Sustatuko datuak x 500 egin
beharko lukete.

3ARRANO

2005-09-30 : 14:58

Zorionak Sustatu!!

Egia esan ez nuen uste horrenbesteko arrakasta zenutenik. Baina ondo merezita lortu duzue hori!

Superbai

2005-09-30 : 17:51

Lan ona egiten den seinale. Zorionak, Sustatu!

Haritz

2005-09-30 : 23:43

Ohorea Espainiako ranking-etan egotea? Ipar Euskal Herrikoekin lehiatzeko aukerarik bai? Espainolez cola de león eta cabeza de ratón berbek badakizue zer esan gura duten, ezta? Ba, hori, EHko onenak bazarete, bejondeizuela, baina EHz kanpoko hurrengo erreferentzia Europa izan dadila, ez Hegoaldera daukagun herrialdea.