Harresihautsi ekimena Hondarribian: Musika eta eskultura

Juanjo Aranguren artista eta pentsalariaren "Romper el muro" eskulturaren inguruan bilduko dira guztiak, bakoitza bere instrumentuekin(ordenagailuak, gitarra, bajua, tronpeta, beraiek asmatutako instrumentu bereziak...), eta saio inprobisatu kolektiboa eskainiko dute, alegia, guztia momentuan bertan sortuko da, lekuak, momentu jakin horrek, eskulturak, eta gainontzeko musikarien soinuek iradokitzen dutenaren arabera. Esan daiteke ez dela kontzertu ohiko bat, beste motako bateko esperientzia sonoroa baizik. Perfomance ere deitu geniezaioke... Entzungo den musikak gizartean musikaren inguruan sortutako eredu estandar eta aurreiritzi asko apurtzen ditu.
19:00etan hasi eta gutxi gora behera 23:00ak arte(edo aspertu arte) egongo dira bertan.
Kanpoaldean denez, euria egiteko arriskua dago, eta hala suertatuz gero, larunbatera atzeratuko litzateke, ordu berean.

Gonbitea egina dago nahi duen ororentzat, eta esan beharrik ez dago dohainik izango dela(Badaezpada jarri dut, hala ere...)

Hauek dira musikari partehartzaileak:
-Alex Mendizabal (Erroma)
-Marcelo Liberato(Erroma)
-Iban Urizar(Elgoibar)
-Iñigo telletxea(Bera)
-Edorta Izarzuzaga(Bermeo)
-Xabier Erkizia(Bera)
-Ilios(Athenas)
-Oier Iruretagoiena "Tüsüri"(Errenteria-Orereta)
-...

Nola iritsi: Hondarribian gaudela, Higuer-eko farorantz hartuko dugu, faroa dioten kartelak jarraituz(dezente daude). Farora iritsi baino lehentxeago, hormigoizko bide dago errepidearen ezkerretara(inolako seinalizaziorik gabe). Bertan sartu eta berehala iritsiko gara Juanjo Arangurenen "Romper el muro" eskulturara.

Informazio osagarria eta irudiak, hemen: http://tusuri.blog.com/264839/