Teknologia albisteak
EIKEN aurkeztuko da bihar, Euskadiko Ikus-entzunezkoen Klusterra
Sustatu
2005-06-28 : 13:06
Euskadiko Ikus-entzunezkoen Klusterra, EIKEN, bihar (asteazkena, ekainak 29) aurkeztuko da Zamudioko Teknologia Parkean. Klusterraren lehen eraketa iazko azaroan egin zen 42 enpresekin, baina dagoeneko, aurkezpen ofizial honetarako, 45 enpresa dira.
Eraketatik aurkezpenera, bost enpresak bost lantalde zuzendu dituzte:
- Merkatu berrietara sarbidea (Pausoka)
- Teknologia berriak (Vicomtech)
- Kalitatea eta formakuntza (K2000)
- Azpiegiturak (Itesa)
- Edukiak (Baleuko)
Klusterrak webgunea du, baina obretan, eikencluster.com Testu soil bat hiru hizkuntzatan, irudi batean itsatsita.
/cache/Udako-Ola-2024_1_small_content.jpeg)
Beste enpresa elkarte batzuen berri gaur hedabideetan. Berriak bi elkarte sortu direla informatzen du, bata EUPREL (Euskal Promotoren Elkartea) zuzeneko musika emanaldietara dedikatzen diren 21 enpresa elkartzen dituena. Artikulu berean
Euskal Herriko Disketxeen Elkartea ere sortu berria dela aipatzen da, baina detaile gehiago gabe.
Bestalde, Nafarroako Gobernuak Teknologia berrien inguruko enpresen klusterraren sorrera bultzatuko duela argitaratu du InternetEuskadi blogak