Joana Albret Bibliotekonomia Mintegiaren blog berria sarean da

JAB Mintegiak duen helburu bera du blog honek ere: Euskal Herriko biblioteka eta dokumentazioguneetan euskararen erabilera normalizatzea. Gure sektorean lankidetza sustatzeko komunikazio-tresna bezala ikusten dugu bloga, profesional guztion topagune izan nahi duena.

Bi atal nagusi daude blogean:

• Albisteak: liburutegien inguruko informazio eguneratua gehituko dugu bertan, eta
• Dokumentuak: Mintegiaren agiririk garrantzitsuenak jasotzen duen atala.

Bestalde, euskaraz Katalogatzeko terminologia datu-basea eskaintzen dugu, hain zuzen ere 2001. urtean HAEE-IVAPek argitaratu zigun Katalogatzeko Oinarrizko Terminologia liburuaren bertsio eguneratua dena. Eguneroko lanean erabiltzen ditugun terminoak azaltzen dira bertan, gaztelaniazko eta frantsesezko ordainekin. Bilatzaile baten bidez edozein termino edo ohar euskaraz, gaztelaniaz zein frantsesez eskatu eta beste bi hizkuntzetako ordainak jasoko ditugu.

Horiez gain, atal finko hauek aurkituko dituzue:

• Mintegiari buruz: zeintzuk garen, zer nahi dugun, zeintzuk diren gure eginkizunak...
• Bazkidetu: bazkide izateko beharrezko informazioa
• Harremanetarako mintegiarekin harremanetan jartzeko helbideak
• Oinarriak: Joana Albret Bibliotekonomia Mintegiaren sortu zeneko oinarrizko testua
• Zaharrak berri: mintegiak jorratzen dituen gaiei buruzko egundainoko prentsa dosierra (1992-2004)

Bloga Eibar.org atarian dago eta CodeSyntax enpresak eman digu sortzeko behar izan dugun laguntza eta babesa. Katalogatzeko terminologia jasotzen duen datu-basea, berriz, ASP etxearen Kapsula softwareak kudeatzen du. Biei gure eskerrik beroenak.

www.eibar.org/blogak/joana-albret