Teknologia albisteak

Webby sariak banatu dituzte; BBCk bi sari jaso ditu

Usoa Agirre

2005-05-04 : 10:05

Aurten ere Webby sarietako protagonistetako bat izan da BBC. Kategoria askotan zegoen izendatuta, baina bitan izan da irabazle: albistegiak eta musika kategorietan. BBCrekin batera, sarituak izan dira Skype, Boing Boing eta Google, besteak beste.

www.skype.com -ek telekomunikazioetako webgunerik onenaren saria jaso du.
Boing Boing izan da blogik onena.
Google -k praktika onenaren saria jaso du, iazko sariketan bezala.
BBCren on-line albistegiak jaso du albisteen kategorian saria. Iaz ere kategoria honetan irabazle izan zen BBC.
BBC OneMusic izan da musika atalean irabazle.

Webby sari bereziak

Webguneak saritzeaz gain, bestelako sariak ere ematen dituzte.

Bizitza guztiko lanagatik webby saria: AEBetako Al Gore presidenteorde ohia.
Urteko webby pertsonaia: Craiglist sortu zuen Craig Newmark.
Urteko webby artista: The Kleptones
Errebelazioko webby saria: Flickr

Epaimahaia

Estatu Batuetako Arte eta Zientzia Digitalen Akademiako 480 bat kidek eta hainbat pertsona famatuk osatutako epaimahai batek aukeratu dituzte irabazleak.

Webby sarietako irabazle guztiak dituzue hemen.