Orotariko Euskal Hiztegia osatu dute
Hemezortzi urte pasa dira lehenengo liburukia argitaratu zenetik eta dendetan da Orotariko Euskal Hiztegiaren azkeneko liburukia, Ut-Zuz edukia duena. Guztira 16 liburukik osatzen dute hiztegia, 125.987 sarrera eta 14.028 orrialderekin.
Koldo Mitxelenak 1970ean hasi zuen lana amaitu du orain Ibon Sarasolak zuzendutako zazpi laguneko lan-taldeak.
Kutsu historikoa du hiztegiak
Lehenengo, hitzaren esanahia eskaintzen du gaztelaniaz eta aurreko hiztegigileek esandako guztia ere jasotzen du. Ondoren, literatur tradizioko adibideak ematen ditu, urtea ere aipatzen duelarik. Hala, erabiltzaileak jakin dezake idazle handiek nola erabili duten delako hitza.
Edizio digitala prestatu nahi dute orain
Datu-basea osatzen jarraituko du orain lan-taldeak. Edizio digitala egitea nahi dute, hiritarrei kontsultak egiteko aukera eskaintzeko.
Erantzun
Sartu