VI. Ekintzaile lehiaketaren oinarriak kaleratu ditu Kutxak

Apirilaren 25eko GAOn argitaratu ziren oinarriak.

Lanek izan behar dituzten ezaugarriak:

• Herritar guztiek Internet eta Teknologia Berriak hobeto erabiltzea bermatuko duten proiektuak.

• Ingurumena babesteko, energia berriztagarriak erabiltzeko edo gure lurraldeko kutsatze-faktoreak ezagutzeko lanean hobekuntzak ekarriko dituzten proiektuak.
• Laguntza behar duten taldeen bizi-baldintzak hobetuko dituzten proiektuak.

Norentzat da

Gipuzkoan bizi izanik, izaera ausarta eta berritzailea duten pertsonentzat.

Kontuan hartuko diren alderdiak:

• Originaltasuna.

• Berrikuntza teknologikoa.
• Proiektuak ekar ditzakeen onurak, gipuzkoar gizarteak Internet hobeto baliatze aldera, ingurumena babesteko, edota asistentzia-laguntza behar duten pertsonei laguntzearren.
• Proiektua sustatu, eta benetako enpresa bat sortzeko aukera bermatuko dugu; beraz, baliabide eragileak eta ekonomikoak eta enplegua sortzeko gaitasunak ere balioetsiko dira. Kontuan hartuko da, halaber, proiektuen egileek ikaskuntzarako duten joera.

Ezingo dira lehiaketara aurkeztu dagoeneko enpresa-eskaintzak diren proiektuak.

Lehiaketaren erakunde sustatzailea bada ere, kutxak ezingo du proiektu saridunen ustiapen ekonomikorik egin.

Sariak:

• Lehen Saria: 40.000 euro.

• Bigarren Saria: 30.000 euro.
• Hirugarren Saria: 20.000 euro.

Kutxaren Begira.com helbidean izango duzue laster informazio gehiago.