Teknologia albisteak

Software Librea Hezkuntzan. Irakasleen batzarra.

Angel eta Txabi - Berritzeguneak

2005-04-25 : 11:04

Datorren asteazkenerako, hilak 27rako, Lehen edo Bigarren Hezkuntzan diharduten irakasleentzako batzarra deituta dago Leioako Berritzeguneko egoitzan "Software Librea Hezkuntzan" gaiari eusteko. Lehenengo bilera honetan gai honekiko dagoen giroa ezagutu, irakasleen arteko harremanak bultzatu eta ekimenaren bat martxan jarri nahi da.

Hauxe da deialdirako erabili den gutuna:

Lankide estimatuak:

Edozein arrazoi dela medio Software librea (Linux sistema eragilea, GNU proiektua, Windows-erako ere) interesgune dugun irakasleok biltzeko batzar bat egiteko asmo zintzoa dugu.

Hezkuntz komunitateko ikasleak hezitzeko Software librean oinarritutako sistemek eta aplikazioek berebiziko garrantzia eta egokitasuna dutelakoan gaude. Bai filosofia aldetik, informazioa eta ezagutza libreki banatzeko era eta askatasun akademikoarekin bat datozelako, zein posibilate teknikoengatik, lokalizaziorako eta sistema egonkorrak, fidagarriak eta seguruak ezartzeko baliagarriak baitira.

Helburuen artean :

Ezagutza Gizartea garatzean askatasunean oinarritutako hezkuntzan tresna libreen erabilera sustatu.
Software librea interesgune dugun Hezkuntza munduko pertsonak elkar ezagutu eta elkar komunikatzeko tresnak eta bideak sustatu.
Hezkuntz Administrazioak Software librean oinarritutako sistemak eta aplikazioak onartu, bultzatu eta normalizatu ditzan hezitu eta bultzatu.
Askatasun osoz, gure interesen araberako ekimen amankomunak proposatu eta egin.
Ikastetxeetako sistema informatikoen segurtasuna hobetu birus eta programa maltxurren aurrean.

Horri ekiteko proposamen batzuk:

Sarean lan egiteko guneak sortu
Datorren ikasturtean presentziazko mintegia eratu.
Bestelako ekintzak +Jardunaldiak.
+Ikastetxe proiektuak.
+Irakasle taldeak.
+Hezkuntzarako Linux banaketa prestatu.
+...

Gogoa eta interesa baduzu, gaiordena finkatzeko edota iradokizunak plazaratzeko kontaktuan jarri gaitezke modu hauetan:

+Mezu bat bidaliz helbide honetara b08ikt@berrikuntza.net (Angel).
+Deialdi honetarako propio sortuko den foroan parte hartuz www.elkarrekin.org/web/slh

Zure intereseko gaiak
Koordinaziorako proposamenak
Antzeko esperientzien berriak
Erabili daitezkeen materialak
Ekimen posibleak
...

Aipatu helbidean www.elkarrekin.org/web/slh inskripzioa egiteko aukera duzue.

SOFTWARE LIBREA HEZKUNTZAN --- IRAKASLEEN BATZARRA
Data: 2005eko apirilaren 27an.
Ordua: arratsaldeko 5etan.
Lekua: Leioako Berritzegunea (4. solairua)
K/Langileria 106 Lamiako (Leioa) metro geltokiaren pare parean.